ވައްކަން ކުރުމަށްފަހު ފިލަން އުޅުނު މީހަކު މާލޭގެ އިމާރާތަކުން ވެއްޓިގެން ފަރުވާދޭން ފަށައިފިއެވެ.
މައުލޫމާތު ލިބިފައިވާ ގޮތުގައި އެމީހާ ވެއްޓިފައިވަނީ އިމާރާތެއްގެ ފަސްވަނަ ބުރިންނެވެ.
އަދި އުމުރުން 32 އަހަރުގެ ޒުވާނާ ވަނީ އައިޖީއެމްޗްއަށް ގެންދިއުމަށްފަހު އޭޑިކޭއަށް ޓްރާންސްފާ ކޮށްފައެވެ. ނަމަވެސް އޭނާގެ ހާލަތެއް އަދި ނޭނގެއެވެ.
ފުލުހުން ބުނީ ނީލޯފަަރު މަގު ގޯޅިގަނޑެއްގައި މީހަކު ހަބަރު ހުސްވެފައި އޮތް ކަމަށް މިއަދު ފަތިހު 5:27 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
މިމަހުގެ 13 ވަނަ ދުވަހު އޭސީއެއްގެ މަސައްކަތް ކުރަން އުޅުނު ބިދޭސީއަކު ވަނީ މާލޭގެ އިމާރާތެއްގެ ނުވަ ވަނަ ބުރީގެ ސިޑިގޮޅިއަށް ވެއްޓި ލިބުނު ބޮޑެތި އަނިޔާތަކަށް ފަރުވާ ދެމުން ދަނިކޮށް މަރުވެފައެވެ.
