ރާއްޖޭގައި މަސްވެރިކަން ކުރާ ކޮންމެ އުޅަނދަކަށް މަދުވެގެން އެއް ރެސްކިއު ޑައިވަރު ތަމްރީނުކުރުމަށް ސަރުކާރުން ފެށި ޕްރޮގްރާމްގެ ތެރެއިން މިހާތަނަށް 56 ފަޅުވެރިއަކު ރެސްކިއު ޑައިވް ކޯސް ނިންމާފައިވާ ކަމަށް ފިޝަރީސް މިނިސްޓަރު އަހުމަދު ޝިޔާމް ވިދާޅުވެއްޖެއެވެ.
އިއްޔެ އެކްސްގައި ކުރެއްވި ޕޯސްޓެއްގައި މިނިސްޓަރު ޝިޔާމް ވިދާޅުވީ, ރާއްޖޭގައި ފީނައިގެން އެންވެރިކަން ކުރާ ކޮންމެ އޮޑިއަކުން މަދުވެގެން އެއް ފަޅުވެރިއަކު ރެސްކިއު ޑައިވަރު ފެންވަރަށް ތަމްރީނު ކުރުމަށް ފިޝަރީސް މިނިސްޓްރީން ހިންގާ ޕްރޮގްރާމުގެ އެހީގައި ދެކުނުގެ 56 ދޯންޏަކުން 56 ފަޅުވެރިއަކު ތަމްރީނުކޮށްފައިވާ ކަމަށެވެ. އެއީ:
- ގދ. މަޑަވެލިން 08
- ގއ. ކޮލަމާފުށިން 05
- ގއ. ވިލިނގިލިން 14
- ގއ. ދެއްވަދޫއިން 07
- ގއ. ނިލަންދޫއިން 04
- ގއ. ދާންދޫއިން 07
- ސ. މަރަދޫއިން 11
މިދިޔަ މަހުގެ 19ގައި އެ ޕްރޮގްރާމް ފެށީ ގދ. މަޑަވެލީގައެވެ.
މި ފަސް އަހަރުގެ ދައުރު ނިމޭއިރު ރާއްޖޭގައި މަސްވެރިކަން ކުރާ ކޮންމެ ދޯންޏެއްގައި ވެސް ރެސްކިއު ފެންވަރުގެ ޑައިވަރެއް ހުރު މަކީ ރައީސް މުއިއްޒުގެ ވިސްނުންފުޅެއްކަމަށް މިނިސްޓަރު ޝިޔާމް ވަނީ ކުރިން ވިދާޅުވެފައެވެ.
