ސްޕައިސީ ޗިކެން ސްލައިޑާސް އަކީ ސިއްހަތައް ފައިދާ ހުރި ގިނަ ބާވަތްތަކެއް ހިމެނޭ އަދި ތައްޔާރުކޮށްލަން ފަސޭހަ ލުއި ކާނާއެކެވެ.
ބޭނުންވާތަކެތި:
- 1 މޭޒުމަތީ ސަމްސާ ލޮނުމެދު
- 1/2 ޖޯޑު ފިޔާ
- 1 ޖޯޑު ބެލް ޕެޕާ
- 400 ގްރާމް ކުކުޅު
- 1 މޭޒުމަތީ ސަމްސާ ލޮނު
- 1 މޭޒުމަތީ ސަމްސާ އަސޭމިރުސް
- 1 މޭޒުމަތީ ސަމްސާ ޕެޕްރިކާ ޕައުޑާ
- 1 މޭޒުމަތީ ސަމްސާ ސޯއި ސޯސް
- 2-3 މޭޒުމަތީ ސަމްސާ މަޔޯނައިޒް
- 12 ބަނަސް
- ޓޮމާޓޯ ސޯސް
- މޮޒެރެއްލާ ޗީޒް
- ޗީޒް ސަލައިޒް
- ބަޓާ
ތައްޔާރުކުރާނެ ގޮތް:
- 1-2 މޭޒުމަތީ ސަމްސާގެ ތެޔޮ އެޅުމަށްފަހު ކޮށާފައިހުރި ލޮނުމެދު ކޮޅާއި ފިޔާކޮޅު 3-2 މިނެޓަށް މީރުކޮއްލާށެވެ.
- ފިޔާ ކޮޅު މީރުކޮށްލުމަށްފަހު ބެލް ޕެޕާ އާއިއެކު އަނެއްކާވެސް 3-2 މިނެޓް ކައްކާލާށެވެ.
- އަދި އެއަށްފަހު ފެނު ކެއްކާފައި ހުރި ކުކުޅު ކުދި ކުދި ކޮށްލުމަށްފަހު އަޅާލާށެވެ. ދެން އޭގެ ތެރެއަށް ލޮނާއި އަސޭމިރުހާއި ޕެޕްރިކާ ޕައުޑާ އެއްކޮށްލުމަށްފަހު 4-3 މިނެޓް ރަނގަޅަށް އެއްކޮށްލާށެވެ.
- ސްޕައިސްތަކާއި ކުކުޅުކޮޅު ރަނގަޅަށް އެއްކޮށްލުމަށްފަހު ސޯއީ ސޯސް ކޮޅު އަޅައި އަނެއްކާވެސް 2-1 މިނެޓް އެއްކޮށްލާނީއެވެ.
- އެއަށްފަހު މަޔޯނައިޒް އަޅައި ރަނގަޅަށް އެއްކޮށްލުމުން ސްޕައިސީ ޗިކެން ތައްޔާރުވީއެވެ.
- ދެން ބަނަސްތައް މެދުން ފަޅިކޮށްލުމަށްފަހު ފުރަތަމަ ޓޮމާޓޯ ކެޗަޕް ހުރިހާ ބަނަހެއްގައި އެއްވަރަށް ހާކާލާށެވެ. އެއަށްފަހު އޭގެ މައްޗަށް މޮޒެރެއްލާ ޗީޒް އަތުރާނީއެވެ.
- އެއަށްފަހު އޭގެ މައްޗަށް ސްޕައިސީ ޗިކެންކޮޅު އެއްވަރަށް އަތުރާލުމަށްފަހު ކޮންމެ ބަނަހަކަށް ވާހެން ޗީޒް ސްލައިޒް އަތުރާލާނީއެވެ.
- ބަނަހުގެ މަތީބައިގައި މެލްޓް ކޮށްފައިހުރި ބަޓާކޮޅު ހާކާލުމަށްފަހު ޕްރީ ހީޓް ކޮށްފައި ހުރި އަވަނަށް 180 ސެލްސިއަސްއަށް 8-7 މިނެޓަށް ލާނީއެވެ.