ރެސިޕީ: ޗޫރޯސް ވިތް ހޮޓް ޗޮކްލެޓް

ޗޫރޯސް އަކީ މި ޒަމާނުގެ ކުދިންނަށް ވަރަށް ކަމުދާ އަދި ކޮކްލެޓަށް ލޯބިކުރާ މީހުންގެ މެދުގައި ވަރަށް މަގްބޫލު ފޮނިކާއެއްޗެކެވެ. އެކި ބައްޓަމަށް ތައްޔާރުކޮށްލެވޭ މި ޑެޒާޓަކީ ސްޕެނިޝް އަދި ޕޯޗުގީޒްގެ އުފެއްދުމެކެވެ.

ބޭނުންވާތަކެތި:

• 1 ތަށި ފެން
• 2 މޭޒުމަތީ ސަމްސާ ބަޓާ (28 ގްރާމް)
• 1 މޭޒުމަތީ ސަމްސާ ހަކުރު
• 1/8 ސައި ސަމްސާ ލޮނު
• 1 ޖޯޑު ފުއް
• 1 ބިސް
• 1 ސައި ސަމްސާ ވެނީލާ އެސެންސް
• 1/2 ޖޯޑު ހަކުރު
• 1 ސައި ސަމްސާ ސިނަމޮން
• 85 ގްރާމް ޗޮކްލެޓް
• 1/2 ޖޯޑު ހެވީ ކްރީމް

ތައްޔާރުކުރާނެ ގޮތް:

1. ފުރަތަމަ 1 ތަށި ފެން، ބަޓާ، ހަކުރު އަދި ލޮނާއި އެކު މެދު ގިނީގައި އުނދުން މައްޗަށް އުދާނީއެވެ.
2. އެއަށްފަހު އޭތި ކެކެން ފެށުމުން ފުއް އަޅައި ވަގުތުން އެއްކޮށްލާނީއެވެ. ފުއްގަނޑު އެއްކޮށް މަޑުވަންދެން އެއްކޮށްލުމަށްފަހު އުނދުން މަތިން ނަގާނީއެވެ.
3. ދެން ތެލީގައި ފުއްގަނޑު ރީތިކޮށް ފަތުރާލުމަށްފަހު 5 ވަރަކަ މިނެޓް ބަހައްޓާށެވެ. ކުޑަކޮށް އިހޫވުމުން ބިހާއި ވެނީލާ އެސެންސް އެޅުމަށްފަހު އަނެއްކާވެސް ފުއްގަނޑު ރަނގަޅަށް އެއްކޮށްލާށެވެ.
4. މިއީ އެކި ޝޭޕަށް ހެދޭ އެއްޗަކަށް ވާތީ އެކި ވައްތަރުގެ ޕައިޕިން ބޭގަށް އަޅައި އެކި ޝޭޕަށް ފުއްގަނޑު އެތުރޭނެއެވެ.
5. އެއަށްފަހު ޗޫރޯސް ތެލުލުމަށް ތެޔޮ ހޫނު ކުރާނީއެވެ. އަދި ތެޔޮ ހޫނު ވުމުން ޗޫރޯސްތައް ތެލަށްލާ ކުޑަކޮށް ގޯލްޑެން ބްރައުން ވުމުން ނަގާނީއެވެ.
6. ޗޫރޯސްތައް ތެލުން ނެގުމަށްފަހު ޓިޝޫއެއްގެ މަތީގައި 5 ވަރަކަ މިނެޓް ބާއްވާށެވެ. އެއަށްފަހު ހަކުރާއި ސިނަމޮން އެއްކޮށްލައި ކޮންމެ ޗޫރޯގައި ވަކި ވަކިން ހާކާނީއެވެ.
7. ދެން ހޮޓް ޗޮކްލެޓް ހެދުމަށް ޗޮކްލެޓް ކުދި ކުދިކޮށް ކޮށުމަށްފަހު ހެވީ ކްރީމް ހޫނު ވަންދެން އުނދުން މައްޗަށް އުދާނީއެވެ. އަދި އަރިމަތިން ބޮކި އަރަން ފެށުމުން ނަގައި ޗޮކްލެޓް އާއި އެއްކޮށްލައި ރަނގަޅަށް މިކްސް ކޮށްލުމުން ހޮޓް ޗޮކްލެޓް ތައްޔާރުވީއެވެ.