އޯލެވަލް އަދި އޭލެވަލް ނިންމާ ދަރިވަރުންނަށް އިމާމުވެ ހުކުރުކޮށް ހުތުބާކިޔުމުގެ ހުއްދަ ދޭން ތަމްރީން ކުރި ޒުވާނުންގެ ތެރެއިން ބައެއް ޒުވާނުން މާލެ ސަރަހައްދުގެ ބައެއް ބޮޑެތި މިސްކިތްތަކުގައި އިއްޔެ ޚުތުބާ ކިޔާ ނަމާދުކޮށްފައެވެ.
ޒުވާން ޚަޠީބުން އިއްޔެ 4 މިސްކިތެއްގައި އިމާމްވެ ހުކުރު ނަމާދު ކުރިއެވެ.
އިސްލާމިކް މިނިސްޓްރީން ވަނީ މިއަދު ހުކުރު ކުރާނެ ޒުވާން ޚަޠީބުންގެ ތާވަލު އާންމުކޮށްފައެވެ. އިއްޔެ ޒުވާން ޚަތީބުންގެ ހުޠުބާ ބިނާކޮށްފައި ވަނީ ރަމަޟާންމަހާއި ދިރިއުޅުމުގެ މައްޗަށެވެ.
އިއްޔެ ހުކުރު ނަމާދު ކުރެއްވި ޒުވާން ޚަޠީބުން:
- ޖަޒްލާން މާހިރު، މާފަންނު އާމިސްކިތް
- ހަސީފު ސަޢީދު ޙުސައިން، މަސްޖިދު ޝާކިރީން
- މުޙައްމަދު ޒަމީޢު ޒަޢީމު، ޒިޔާރަތް މިސްކިތް
- ޙުސައިން އަމްޒަރު ޙަސަން މަނިކު، މަސްޖިދުއް ސުލްޠާނުލް ޢާދިލު
މިރަމަޟާން މަހު ހުރިހާ ހުކުރެއްގައި ވެސް ޒުވާން ޚަތީބުން މާލެ ހިމެނޭ ސަރަޙްދުގައި ހުކުރުކުރެއެވެ.
އޯލެވަލް އަދި އޭލެވަލް ނިންމާ ދަރިވަރުންނަށް އިމާމުވެ ހުކުރުކޮށް ހުތުބާކިޔުމުގެ ހުއްދަ ދޭން ނިންމާ އެކަމަށް ކުރިމަތިލުމަށް އިސްލާމިކް މިނިސްޓްރީން މިދިޔަ ޑިސެމްބަރު 10 ވަނަ ދުވަހު ހުޅުވާލި ފުރުސަތު ހަމަވިއިރު 160 ޒުވާނުން ކުރިމަތިލި އެވެ. އެފުރުސަތަށް ކުރިމަތިލި ކުދިންނާއި އިންޓަވިއު ކުރުމަށްފަހު ހޮވާލެވުނު ބައެއް ކުދިން ވަނީ ތަމްރީނުފފުރިހަމަކޮށްފައެވެ.
އިއްޔެ ހުކުރު ކުރި ޒުވާނުންނަށް މިހާރު ވަނީ ހުތުބާ ކިޔުމާއި އިމާމުވެ ނަމާދުކުރުމުގެ ހުއްދަ ވެސް ދީފަ އެވެ. ބައެއް މިސްކިތްތަކުގެ އިމާމުންގެ ބެލުމުގެ ދަށުން މިހާރުވެސް ބައެއް ޒުވާނުން އިމާމުވެ ނަމާދު ކުރެ އެވެ. ނަމަވެސް ހުކުރުކޮށް ހުތުބާ ކިޔުމުގެ ފުރުސަތު މީގެކުރިން ދީފައިވަނީ ހަމައެކަނި ހުއްދަ އޮންނަ ބޭފުޅުންނަށް އެކަންޏެވެ.
