ރާއްޖޭގެ ޤައުމީޓީމުގެ ކުރީގެ ހުނަރުވެރި މިޑްފީލްޑަރު މުހައްމަދު އާރިފް (ބަކާ)ގެ އޭޑީކޭ ހޮސްޕިޓަލުގެ އައިސީޔޫގައި ފަރުވާ ދެމުން ދަނިކޮށް ނިޔާވެއްޖެއެވެ.
ބަކާ ނިޔާވީ ހާލު ސީރިއަސްވެ، އޭޑީކޭގެ އައިސީޔޫގައި ފަރުވާދެމުން ދަނިކޮށެވެ. ކުއްލި ގޮތަކަށް ބަކާ އޭޑީކޭގައި އެޑްމިޓްކުރީ ނޭވާލާން އުނދަގޫވެގެންނެވެ. ފަހުން ޓެސްޓްތައް ހެދިއިރު، ލޭގައި އިންފެކްޝަން ހުރިކަމަށް ބައެއް މީޑިއާތަކަށް މައުލޫމާތުދެމުން ބަކާގެ އާއިލާއިން ވަނީ ބުނެފައެވެ.
ހައްޖުގެ މަތިވެރި އަޅުކަން އަދާކުރުމަށްފަހު ބަކާ މާލެ އައީ ދެދުވަސް ކުރިންނެވެ. ބަކާ ހައްޖަށް ދިޔައީ ސައުދީ ރަސްގެފާނު ދެއްވި ހާއްސަ ކޯޓާގެ ތެރެއިންނެވެ.
ބަކާ އަކީ ރާއްޖޭގައި އުފެދުނު އެންމެ މޮޅު މިޑްފީލްޑަރުންގެ ތެރޭގައި ހިމެނޭ އަހުލާގު ރަނގަޅު އަދި ދަނޑުމަތީގައި ލީޑަރެކެވެ. ބަކާގެ ހިއްސާއާއެކު ރާއްޖޭގެ ޤައުމީޓީމް ވަނީ 2008 ވަނަ އަހަރު ސާފްޗެމްޕިއަންޝިޕް ކާމިޔާބުކޮށްފައެވެ.
ކިޔުންތެރިންގެ ޚިޔާލުތައް
އެހަކަށްދުވަހަކުއެވެ މި ލަފްޒު ރަގަޅު ކޮއްލުން އެދެން