ޖަޕާނުގެ ބައެއް ހޮޓާތަކުން އިޒްރޭލު މީހުން ނުވައްދާކަމުގެ ޝަކުވާ އިޒްރޭލު މީހުން ކުރަން ފަށައިފިއެވެ.
ސޯޝަލް މީޑިއާގެ އިޒްރޭލު މީހުންގެ ގުރޫޕެއްގައި ބައެއް މީހުން ބުނެފައި ވަނީ ހޮޓަލަށް ވަދެ ޗެކިންވާން ޕާސްޕޯޓް ދެއްކުމުން "އިޒްރޭލް މީހުންނަށް ޖާގައެއް ނުދެން" ކަމަށް ބުނެ ހޮޓަލުން ނެރެލާފައި އެބަހުއްޓެވެ.
މިކަން ޖަޕާނުގެ މީޑިއާތަކުގެ ސަމާލުކަމަށް އައުމުން ޖަޕާނު ސަރުކާރުން ބުނެފައިވަނީ އަމިއްލަ މީހުންގެ ވިޔަފާރިއަކީ ސަރުކާރުން ޑިކްޓޭޓްކުރާނެ ކަމެއް ނޫން ކަމަށާއި އެމީހުން ބޭނުން ނުވާ މީހުން ހޮޓާތަކަށް ނުވެއްދުމުގެ ފުރިހަމަ އިހްތިޔާރު ހޮޓާތަކުގެ މެނޭޖްމަންޓަށް ލިބިގެންވާ ކަމަށެވެ.
އިޒްރޭލު މީހުންނަށް ދިމާވާ މައްސަލަތައް ހިއްސާކުރުމަށް ހަދާފައިވާ ގުރޫޕުގައި ހިޔާލުފާޅުކުރި އިޒްރޭލު މީހުން ބުނެފައިވަނީ އިޒްރޭލު ސަރުކާރުން މިކަންކަމާ މެދު ހަރުދަނާ ފިޔަވަޅުތަކެއް އަޅަން ވެއްޖެ ކަމަށެވެ.
"އިޒްރޭލު މީހުންނަކީ އެހާ ދަށް ބައެއް ނޫން. ހެދިހާ ގޮތެއް ހެދިގެން ތިބޭ ހިސާބަށް އަހަރެމެންގެ ހާލަތު ވެއްޓުނަ ދީގެން ނުވާނެ،" އެކަކު ބުނެފައިވެއެވެ.
