ގަދަރު ލިބޭނީ ލިބުނު ވަގުތަށް އިހުތިރާމުކޮށް ޝުކުރުވެރިވެގެންކަމަށް ރައީސުލްޖުމްހޫރިއްޔާގެ ނައިބު ހުސައިން މުހައްމަދު ލަތީފު ވިދާޅުވެއްޖެ އެވެ.
އެއްވެސް ކަމަކަށް ސީދާ އިޝާރާތް ކުރެއްވުމެއް ނެތި ހިކުމަތްތެރި ބަސްކޮޅެއް ނައިބު ރައީސް މިއަދު ވަނީ އެކްސްގައި ލިޔުއްވައިފަ އެވެ.
އެގޮތުން އެމަނިކުފާނު ވިދާޅުވީ ކޮންމެ ކަމަކީވެސް ވަގުތު ކަނޑައެޅިގެންވާ ކަމެއް ކަމަށެވެ. އަދި އެއީ ދުނިޔޭގެ އާދަ ކަމަށާއި އެލިބުނު ވަގުތަށް އިހުތިރާމުކޮށް ޝުކުރުވެރިވުމުން ލިބޭ ގަދަރާއި، އުފާވެރިކަން މާ ރަނގަޅު ކަމަށްވެސް ނައިބު ރައީސް ވިދާޅުވި އެވެ.
