ވެނެޒުއޭލާގެ ރައީސް ނިކޮލަސް މަޑޫރޯގެ ޕްރައިވެޓް ޖެޓް އެމެރިކާއިން ހިފަހައްޓައިފިއެވެ.
އެމެރިކާގެ ޖަސްޓިސް ޑިޕާޓްމަންޓުން ބުނެފައިވަނީ ރައީސް މަޑޫރޯ ގެ ޕްރައިވެޓް ޖެޓް ޑަސޯލްޓް ފެލްކަން 900އެކްސް މަރުކާގެ މަތިންދާ ބޯޓު ޑޮމެނިކަން ރިޕަބްލިކުން ހިފެހެއްޓުމަށްފަހު އެމެރިކާގެ ފްލޮރިޑާގެ އަށް މިހާރު ގެނެސްފައިވާކަމަށާއި، އެ ޖެޓް އެމެރިކާއަށް ގެނައީ އެ ޖެޓް ގައި އެމެރިކާގެ ގާނުނުތަކާ ހިލާފަށް ސްމަގުލްކުރުމާއި އަދި އެ މަޑޫރޯ އެ ޖެޓް ގަނެފައިވަނީ އުސޫލުތަކުން ބޭރުން ކަރަޕްޝަނުގެ ފައިސާއިން ކަމަށްބުނެއެވެ.
އަދި 13 މިލިން ޑޮލަރުގެ އެ ޖެޓް ހިފެއްޓި އެއް ސަބަބަކީ ވެނެޒުއޭލާގައި ހިނގަމުންދާ އިންސާނީ ހައްގުތަކަށް އަރައިގަތުމާއި ކޮރަޕްޝަންގެ އަމަލުތަކަށް މަޑޫރޯގެ ސަރުކާރު ޖަވާބުދާރީ ކުރުވުން ކަމަށްވެސް އެމެރިކާގެ ޖަސްޓިން ޑިޕާޓްމަންޓުން ބުނެފައިވެއެވެ.
2020 ވަނަ އަހަރުވެސް އެމެރިކާގެ ޖަސްޓިސް ޑިޕާޓްމަންޓުން ވަނީ މަދޫރޯ އާއި ވެނެޒުއެލާގެ 14 އޮފިޝަލެއްގެ މައްޗަށް މަސްތުވާތަކެއްޗާއި ކޮރަޕްޝަންގެ ދައުވާ އުފުލައިފައެވެ. އަދި މަދޫރޯގެ މައްޗަށް ކުށް ސާބިތުވާނެ ފަދަ މައުލޫމާތެއް ހޯދައިދޭ ފަރާތަކަށް 15 މިލިއަން ޑޮލަރުގެ އިނާމެއް ވެސް ހުށަހަޅާފައިވެއެވެ.
އެމެރިކާގެ އެ އަމަލާ ގުޅިގެން ވެނެޒުއޭލާގެ ރައީސް މަޑޫރޯ ބުނެފައިވަނީ އެމެރިކާގެ އެ އަމަލަކީ ފޭރުމުގެ އަމަލެއް ކަމަށާއި، އެއީ އެމެރިކާއިން ހިންގަމުންގެންދާ ޖަރީމާތަކަށް އިތުރުވި ބޮޅެއް ކަމަށެވެ.
