އާމުންނަށް ހުޅުވާލައިގެން ބަޑިޖެހުމުގެ މުބާރާތެއް ބާއްވަން މޯލްޑިވްސް ޝޫޓިން އެސޯސިއޭޝަނުން ނިންމައިފިއެވެ.
ނޮވެމްބަރ 1 ގައި ބޭއްވުމަށް ހަމަޖެހިފައިވާ ބަޑިޖެހުމުގެ މުބާރާތުގައި ބައިވެރިވާން ބޭނުންވާ ފަރާތްތަކަށް ގޫގުލް ފޯމެއް މެދުވެރިކޮށް އެޕްލިކޭޝަން ހުށަހެޅުމުގެ ފުރުސަތު އަންނަ އަންގާރަ ދުވަހުގެ ނިޔަލަށް ހުޅުވާލާފައިވާކަމަށް އެ އެސޯޝިއޭޝަނުން ވަނީ ބުނެފައެވެ. އަދި އެފަދަ މުބާރާތެއް އާއްމުންނަށް ބައިވެރިވެވޭ ގޮތައް ހުޅުވާލައިގެން ބޭއްވުމުގެ އެއްމެ ބޮޑު އެއް މަގްސަދަކީ އޮލިމްޕިކްސް ގެ ކުޅިވަރުތަކުގެ ތރޭގައި ހިމެނޭ ޝޫޓީންގ ގައި ރާއްޖެއިން ބައިވެރިވާނެ ފެންވަރު ރަނގަޅު ޓީމެއް އެކުލަވާލުން ކަމަށްވެސް ބުނެފައިވެއެވެ.
އެގޮތުން ކެޓެގަރީތަކަށް ބަހާލައިގެން ކުރިއަށްގެންދާ އެ މުބާރާތުގައި ބައިވެރިވުމުގެ ފީއެއްގެ ގޮތުގައި 500ރ. ދައްކަން ޖެހެ އެވެ. ނަމަވެސް ސްކޫލްތަކުގެ ދަރިވަރުން ދައްކަން ޖެހޭނީ 300ރ. ކަމަށް ޝޫޓިން އެސޯސިއޭޝަނުން ބުނެ އެވެ. އަދި އަލަށް ބައިވެރިވާ ފަރާތްތަކުން އެ އެސޯސިއޭޝަނުން ހިންގާ ވެޕަންހޭންޑްލިން އެވެއާނެސް ޕްރޮގްރާމެއްގައި ބައިވެރިވާންޖެހެއެވެ. އެ ޕްރޮގްރާމް ފުރިހަމަ ނުކުރާ ފަރާތްތަކަށް މުބާރާތުގައި ބައިވެރިވުމުގެ ފުރުސަތު ނުލިބޭނެ ކަމަށްވެސް އެ އެސޯސިއޭޝަނުން ބުނެފައިވެއެވެ.
ކިޔުންތެރިންގެ ޚިޔާލުތައް
ތިހުޅުވާލީކީ އާއްމު ރައްޔިތުމީހާއަކަށް ނޫން، ކުރިން މިލިޓަރީގައި އިޅެފަ ވަޒީފާއިން ވަކިވެފައިވާ ރައްޔިތުންނަށް އެފުރުސަތު ދިނުމަށް ކުރި ކަމެއް
Felha nihola
އާންމުންނަށް ބަޑިޖަހަން ދަސްކޮށް ދިނީ ކޮންއިރަކުތޯ؟ދަސްކޮށްދީފައިތާ މުބާރާތް ބާއްވާ ހިސާބަށް ދާނީ.
މިލިޓަރީގައަ އުޅެފަ ތިބިމީހުންނެ ކޭ ލިޔެފަ އެއްނެ އަބަދު ވެސް ފިތުނަ އުފއްދަން ބައިވެރި ވަންޏާ ވެބަލަ ބިހޭ ނުކިޔާ
ކޮބާ އިނާމެއްލިބޭތަ
ތިޔައީ ހުޅުވާލެވޭ ނުރައްކާ ދޮރެއް
އެއީ އަސްލު ބަޑިއެއްނޫން
ލިބޭނެ އިނާމެއްވެސް ޖަހާލީމަ ދޯ ބައިވެރިވެވޭނީވެސް
ކޮބާ ފޯމް
ފަޅޮލޭ ތިކިޔަނީ ދޯ! ފައިސާހޯދަން ކުރާކަމެއް ތީ ރައްޔިތުން ނޭކިޔާފަ ރީތިދޯ!
ޢަޅުގަނޑުގެ14 އަހަރުގެ ދަރިފުޅު އަމާޒަށް ބަޑި ޖަހަން ވަރަށް މޮޅު ދިރިއުޅުނީ ރާއްޖެތެރޭގައި ބައިވެރިކުރަން ވަރަށް ބޭނުން. ރާއްޖެއިން ބޭރަށްގޮސް ބަޑިޖަހާ.
އަލުގަނޑު މިހާރުވެސް ބަޑި ޖަހަން އެކަމު އާގޮތަކަށް ބަޑިޖަހަން ދަސްކޮށްދޭކްމަށް ވަނީވިއްޔާ ބައިވެރި ވެވިދާނެ. ސަބަބަކީ ބަޑިއަށް އަބަދު އެއްގޮތަކަށް ވަޒަން ލައްވާ ލައްވާ ބަޑި ތަށް ހުރީ ދަމިލަޖަހާފަ ކަމަށްވާތީވެ. އުންމީދު ކުރަން މިކިޔާ އެއްޗެއް ސާފުވާނެ ކަމަށް.