ހަޔަރ އެޑިއުކޭޝަން މިނިސްޓަރީގެ ސްޓޭޓް މިނިސްޓަރގެ މަގާމުގައި ހުންނެވި ކުރީގެ އެސިސްޓަންޓް ކޮމިޝަނަރު އޮފް ޕޮލިސް ޑރ. އަބްދުﷲ ފައިރޫޝް، އނަބުރައި ހޯމް މިނިސްޓްރީ އަށް ބަދަލުކޮށްފި އެވެ.
ފައިރޫޝް އެއްމެ ފުރަތަމަ އައްޔަނުކުރައްވާފައިވަނީ ހޯމް މިނިސްޓްރީގެ ސްޓޭޓް މިނިސްޓަރ ކަމުގެ މަގާމަށެވެ، އެ ބޭފުޅާ ހޯމް މިނިސްޓްރީން ހަޔަރ އެޑިއުކޭޝަން މިނިސްޓަރީއަށް ބަދަލުކުރައްވާފައިވަނީ މިއަހަރުގެ ޖެނުއަރީ މަހުގައެވެ.
އަނބުރައި ހޯމް މިނިސްޓަރީއަށް ބަދަލުކުރެއްވިކަން ހާމަކުރައްވައި އެކްސްގައި ކުރެއްވި ޕޯސްޓެއްގައި ފައިރޫޝް ވަނީ ހަޔާ އެޑިއުކޭޝަން މިނިސްޓްރީގައި ކުރެވުނު މަސައްކަތްތަކާއި މެދު ހިތްހަމަޖެހުން ފާޅުކޮށް، އެ މިނިސްޓްރީގެ އިސްވެރިންނަށް ޝުކުރު އަދާކުރައްވާފަ އެވެ.
