އުމުރުން 8 އަހަރުގެ ކުޑަ ފިރިހެން ކުއްޖަކަށް ޖިންސީ ގޯނާ ކުރި ބިދޭސީ އަކު ހައްޔަރުކޮށްފިިއެވެ.
ފުލުހުން ބުނީ، ސައުތް ޕޮލިސް ( ގއ، ގދ، ޏ، ސ ) ގައި ހިމެނޭ ރަށެއްގައި އުމުރުން 8 އަހަރުގެ ކުޑަ ފިރިހެން ކުއްޖަކަށް ޖިންސީ ގޯނާ ކުރިމަކަށް ތުހުމަތުކުރެވޭ މައްސަލައެއް މިދިޔަ އަންގާރަ ދުވަހު ފުލުހުންނަށް ރިޕޯޓުކޮށްފައިވާ ކަމަށެވެ.
މި މައްސަލައާއި ގުޅިގެން އުމުރުން 26 އަހަރުގެ ބިދޭސީ ފިރިހެންކު ކޯޓު އަމުރެއްގެ ދަށުން އިއްޔެގެ ވަގުތެއްގައި ހައްޔަރު ކޮށްފައިވާ ކަމަށް ވެސް ފުލުހުން ބުންޏެވެ.
ފުލުހުން ދަނީ މި މައްސަލަ ބަލާ ތަހުގީގު ކުރަމުންނެވެ.
