އިންޑިއާގެ ރިޒާވް ބޭންކާ އެކު ހަދާފައިވާ 400 މިލިއަން ޑޮލަރުގެ ކަރަންސީ ސްވޮޕް އެއްބަސްވުމުގެ ތެރެއިން 120 މިލިއަން ޑޮލަރު ރާއްޖޭގެ ބޭންކު ތަކުގައި އިންވެސްޓް ކޮށްފި: އެމްއެމްއޭ
އެމްއެމްއޭ އިން އާއްމުކޮށްފައިވާ މިދިޔަ މަހުގެ ނެރުނު ތަފާސްހިސާބުތައް ދައްކާ ގޮތުން މިއަހަރުގެ ސެޕްޓެމްބަރު މަސް ނިމުނުއިރު ރިޒާވް ހުރީ 371.2 މިލިއަން ޑޮލަރުގަ އެވެނަމަވެސް މިދިޔަ އޮކްޓޯބަރު މަސް ނިމުނުއިރު ރިޒާވް ހުރީ 615 މިލިއަން ޑޮލަރަށް އިތުރުވެފައެވެ. އެމްއެމްއޭ އިން ހާމަކޮށްފައިވާ ގޮތުގައި ރަސްމީ ރިޒާވް މަތި ވެފައިވާ ސަބަބަކީ ބޭރު ފައިސާގެ ރިޒާވް އިތުރުކުރުމަށް އިންޑިއާގެ ރިޒާވް ބޭންކް އޮފް އިންޑިއާ (އާރްބީއައި) މެދުވެރިކޮށް ނެގި 400 މިލިއަން ޑޮލަރުގެ ކަރެންސީ ސްވޮޕް ފެސިލިޓީ އަށް އަމަލުކުރަން ފެށުމެވެ. އެގޮތުން އޭގެ ތެރެއިން ތެރެއިން 120 މިލިއަން ޑޮލަރު ރާއްޖޭގެ ބޭންކުތަކުގައި އިންވެސްޓްކޮށްފައިވާ ކަމަށް އެމްއެމްއޭ އިން ބުނެފައިވެއެވެ.
އެމްއެމްއޭ އިން ހާމަކޮސްފައިވާ ގޮތުގައި އެކަމުގެ ސަބަބުން އިންވެސްޓްމަންޓުން ލިބޭ ނަފާ ބޮޑުވެފައި، މާލީ ދާއިރާގެ ކުރިއެރުމާއި ހަމަޖެހުމަށް މަގުފަހިކޮށް މުޅި އިގްތިސާދަށް އެކަމުގެ ސަބަބުން ފައިދާ ވާނެއެވެ.
