ރައްޔިތުންގެ މަޖިލީހުގެ މެންބަރުން ޕާޓީ ބަދަލުކުރުމުން ނުވަތަ ޕާޓީން ވަކިކޮށްފި ނަމަ މެންބަރުކަން ގެއްލޭ ގޮތަށް ގާނޫނުއަސާސީއަށް ގެނައި އިސްލާހު ބާތިލުކުރަން ސުޕްރީމް ކޯޓަށް ހުށަހަޅައިފި އެވެ.
ރައްޔިތުންގެ މަޖިލީހުގެ މެންބަރުން ޕާޓީ ބަދަލުކުރުމުން ނުވަތަ ޕާޓީން ވަކިކޮށްފި ނަމަ މެންބަރުކަން ގެއްލޭ ގޮތަށް ގާނޫނުއަސާސީއަށް ގެނައި އިސްލާހު ގެނެސްފައި ވަނީ ގާނޫނުއަސާސީގެ ހަތަރުވަނަ މާއްދާ އާއި އަށްވަނަ މާއްދާ އާއި 26 ވަނަ މާއްދާ އާއި 75 ވަނަ މާއްދާ އަދި 90 ވަނަ މާއްދާއާ ހިލާފަށް ކަމަށާއި އަދި އެ އިސްލާހަކީ ގާނޫނުއަސާސީގެ އަސާސީ ގެ އޮނނިގަނޑާ ވެސް ހިލާފަށް ގެނެސްފައިވާ އިސްލާހެއްކަމަށް ބުނެ އެ އިސްލާހު ބާތިލްކޮދިނުމަށް އެދި އެ މައްސަލަ ދިވެހިރާއްޖޭގެ ސްޕްރީމް ކޯޓަށް ހުށަހެޅުއްވީ ރައްޔިތުންގެ މަޖިލީހުގެ ކެންދޫ ދާއިރާގެ ކުރީގެ މެންބަރު އަލީ ހުސައިނެވެ.
އެކަން ހާމަކުރައްވައި އަލހުސައިން އެ ބޭފުޅާގެ އެކްސް އެކައުންޓް ގައި ކޮށްފައިވާ ޕޯސްޓެއްގައި ވަނީ
ދިވެހިރާއްޖޭގެ ޖުމްހޫރިއްޔާގެ ގާނޫނުއަސާސީއަށް 6 ވަނަ އިސްލާހު ގެނެސްފައިވަނީ ގާނޫނުއަސާސީގެ 4، 8، 26، 75 އަދި 90 ވަނަ މާއްދާއާހިލާފަށް އަދި ގާނޫނުއަސާސީގެ އަސާސީ އޮނިގަނޑާވެސް ހިލާފަށް ކަމަށްވާތީ އެ އިސްލާހު ބާތިލުކުރުމަށް އެދި ސުޕްރީމް ކޯޓަށް މައްސަލަ ހުށަހަޅައިފިން.
ގާނޫނު އަސާސި އަށް ގެނެސްފައިވާ އިސްލާހަކީ ގާނޫނު އަސާސީގެ ރޫހާ ހިލާފަށް ގާނޫނު އަސާސީއަށް ބަދަލު ނުގެނެވޭނެ ޤާނޫނުއަސާސީއަށް ގެނެސްފައިވާ އިސްލާހަކީ "ސްޕްރާ ކޮންސްޓިޓިއުޝަނަލް" ޕްރިންސިޕަލަކަށް ގެނައި އިސްލާހަކަށްވާތީ، އެ އިސްލާހުގައި ދުސްތޫރީ ސައްހަކަމެއްނެތް ކަމުގައި ކުރީގެ އުއްތަމަފަނޑިޔާރު ޑރ.އަޙްމަދު އަބްދުﷲ ދީދީ ވެސް ވަނީ ވިދާޅުވެފައެވެ.
