ފޮރިން މިނިސްޓްރީގެ ސިޔާސީ މުވައްޒަފުންގެ އަދަދު 129 އަށް އަރައިފި ކަމަށް އެ މިނިސްޓްރީން ހާމަކުރި ރެކޯޑުތަކުން ދައްކައިފިއެވެ.
މައުލޫމާތު ހޯދައި ލިބިގަތުމުގެ ގާނޫނުގެ ދަށުން "ހުރިހާ" އިން ހޯދަން އެދުނު މައުލޫމާތުގެ ޖަވާބުގައި ފޮރިން މިނިސްޓްރީން ބުނެފައިވާ ގޮތުގައި މިނިސްޓްރީން މުސާރަ ދޭ ސިޔާސީ މުވައްޒަފުންގެ ތެރޭގައި އެންމެ ގިނައިން ރާއްޖެއިން ބޭރުގެ މިޝަންތަކުގައި މަސައްކަތްކުރާ މުވައްޒަފުންނެވެ. އެއީ ޖުމްލަ 103 ސިޔާސީ މުވައްޒަފުންނެވެ.
މިނިސްޓްރީން އާންމުކުރި ރެކޯޑުތަކުން ދައްކާ ގޮތުގައި ކެޕިޓަލް ނުވަތަ މާލޭ ހެޑް އޮފީހުގައި މަސައްކަތްކުރަނީ 26 ސިޔާސީ މުވައްޒަފުންނެވެ.
އެ މިނިސްޓްރީގެ ސިޔާސީ މުވައްޒަފުންގެ މުސާރަ އާއި އިނާޔަތްތަކަށް ހިނގާ ޚަރަދު ހާމައެއް ނުކުރިއެވެ.
