ހުކުރު ދުވަހުގެރޭ މާލޭ މުރަނގަމަގުގައި ހުންނަ "ކްރާސާ" ފިހާރަގައި ތޫނު އެއްޗަކުން ހަމަލާދީ ޒަހަމްކޮށްލި ޒުވާނާ ފަރުވާ ދެމުން ދަނިކޮށް މަރުވެއްޖެއެވެ.
އުމުރުން 30 އަހަރުގެ އެ ޒުވާނާ މަރުވީ ވަޅި ހަރައިގެން ލިބުނު ޒަހަމްތަކަށް އައިޖީއެމް ހޮސްޕިޓަލްގެ ވެންޓިލޭޓަރުގައި ފަރުވާދެމުން ދަނިކޮށް މިއަދު ހެނދުނު އެވެ.
މިހާދިސާގައި އޭނާގެ ދެ ފަޔަށާއި ބަނޑަށާއި ހަށިގަނޑުގެ އެތައް މިތަނަށް ވަޅި ހެރިއެވެ. ފިހާރައެތެރޭގައި ހުއްޓާ އޭނާއަށް ހަަމަލާ ދިނީ ހެލްމެޓް އަޅައިގެން ދިޔަ ދެމީހެކެވެ. މީގެތެރެއިން އެކަކު ވަނީ ހައްޔަރުކޮށްފައެވެ. އަދި އޭނާގެ ބަންދަށް 15 ދުވަސް ވަނީ ޖަހާފައެވެ.
