މާލޭގެ ގެއެއްގެ ބެލްކަނިން ހަތަރު އަހަރުގެ ފިރިހެން ކުއްޖަކު ވެއްޓި މަރުވެއްޖެ އެވެ.
ފުލުހުން ބުނީ އެކުއްޖާ މަރުވީ އޭޑީކޭ ހޮސްޕިޓަލަށް ގެންގޮސް ފަރުވާ ދެމުން ދަނިކޮށް ރޭ ދަންވަރު ކަމަށެވެ. އެ ކުއްޖާ ވެއްޓިގެން ފުލުހުންނަށް ރިޕޯޓް ކުރީ ފުލުހުން ބުނި ގޮތުގައި ރޭ މެންދަމު 12:20 އެހާކަށް ހާއިރު އެވެ. ކުއްޖާ ވެއްޓުނީ ގެއެއްގެ ފަސް ވަނަ ފަންގިލާ އިން ކަމަށް ވެސް ފުލުހުން ބުންޏެވެ.
އެހާދިސާއާ ބެހޭ އިތުރު ތަފްސީލެއް އަދި ނުލިބެ އެވެ. ކުއްޖާގެ އާއިލާގެ މެމްބަރުންނާ ހަވާލާދީ ބައެއް ނޫސްތަކުން ބުނި ގޮތުގައި އެކުއްޖާ ވެއްޓުނުކަން އެނގުނީ ކޮޓަރީގައި ނެތިގެން ހޯދަނިކޮށް ކަމަށެވެ.
