ފުލުހުންގެ ބެލުމުގެދަށުގައި ހުއްޓައި ފިލައިގެން ދިޔަ މީހަކު ހޯދަން ފަށައިފިއެވެ.
ފުލުހުން ބުނީ، އއ.ރަސްދޫ ޕޮލިސް ސްޓޭޝަނުން ބަލަމުންދާ މައްސަލައަކާއި ގުޅިގެން ހައްޔަރުކޮށްފައިހުރި 25 އަހަރުގެ ދިވެހި ފިރިހެނަކު، ގޮޅިން ނެރެފައި ހުއްޓާ އިއްޔެ ފިލާފައިވާކަމަށެވެ.
އެމީހާ އަކީ ޝަރީޢަތް ނިމެންދެން ބަންދުކޮށްފައި ހުރި މީހެއްކަމަށާއި، އޭނާ ހޯދުމުގެ މަސައްކަތް ކުރަމުން އަންނަކަމަށް ވެސް ފުލުހުން ބުންޏެވެ.
ފުލުހުން ބުނީ މި މައްސަލައާއި ގުޅިގެން، ރަސްދޫ ޕޮލިސް ސްޓޭޝަންގެ ތަނެއް ފަޅާލިކަމަށް ބުނެ ސޯޝަލް މީޑިއާގައި ފަތުރަމުންދަނީ ދޮގު ވާހަކަތަކެއްކަމަށެވެ. އޭނާ ފިލި ނަމަވެސް ޕޮލިސް ސްޓޭޗަނުން އެއްވެސް އެއްޗެއް ވަގަށް ނަގާފައި ނުވާކަމަށް ވެސް ފުލުހުން ބުންޏެވެ.
