ބޮލީވުޑް ނުވަތަ ހިންދީ ސިނަމާގެ އެންމެ ހޭންޑްސަމް ނުވަތަ އެންމެ ފިރިހެންވަންތަ ތަރިންނަކީ ކޮބައިތޯ ސުވާލުކޮށްފިނަމަ ގިނަ މީހުން ބުރަވަނީ ތިރީގައިވާ ލިސްޓަށެވެ. ހާއްސޮށް ސޯޝަލް މީޑިޔާގައި އެ ތަރިން ފޮލޯކުރާ މީހުންނާއި އެތަރިންނާ ގުޅޭ ގޮތުން ދީފައިވާ ކޮމެންޓްތަކުން މިކަން މާބޮޑަށް ކަށަވަރުވެއެވެ.
ބޮލީވުޑްގެ އެންމެ ފިރިހެންވަންތަ 10 އެކްޓަރުން:
- ވާދަވެރިކަން ބޮޑުވެފައިވިއަސް، އަދިވެސް ލިސްޓްގެ އެއްވަނަ ހޯދަނީ ރިތިކް ރޯޝަނެވެ. އޭނާގެ އެންމެ ފިރިހެންވަންތަ ސިފަ ކަމަށް ގިނަ މީހުން ފާހަގަކޮށްފައިވަނީ އޭނާގެ ފުރިހަމަ އިސްކޮޅާއި މޫނުގެ ބައްޓަމާއި ފުން ދެ ލޮލެވެ. އުމުރުން 50 އަހަރުގެ ރިތިކްގެ މިލްކިއްޔާތުގައި ގާތްގަނޑަކަށް 370 މިލިއަން ޑޮލަރު އެބަހުއްޓެވެ.
- ޖެކީ ޝްރޮޕްގެ ދަރިފުޅު ޓައިގަ ޝްރޮފަކީ ބޮލީވުޑަށް ތަޢާރަފް ވީއްސުރެ އޭނާގެ ރީތިކަމާއި ފިރިހެންވަންތަ ކަމަށް ކެނޑިނޭޅި ތަޢުރީފު ލިބެމުން އަންނަ އަޚްލާގު ރަނގަޅު ތަރިއެކެވެ. އޭނާއާމެދު އެންމެ ގިނަ މީހުން ގަޔާވަނީ އޭނާގެ ރީތި ހަށިގަނޑަށާއި ނެށުމަށެވެ. އުމުރުން 34 އަހަރުގެ ޓައިގަގެ މިލްކިއްޔާތުގައި 14 މިލިއަން ޑޮލަރު އެބަހުއްޓެވެ.
- ޖޯން އެބްރަހަމްގެ ލޮލާއި ތުންފަތާއި ބިޔަ ހަށިގަނޑާއި އިސްކޮޅުގެ ސަބަބުން އޭނާދެކެ ކަނބަލުން ތިބެނީ މޮޔަވެފައެވެ. އެހެންވެ، ބޮލީވުޑްގެ އެންމެ ފިރިހެންވަންތަ ފިރިހެނުންގެ ލިސްޓުން އޭނާގެ ނަން އުނިވެގެނެއް ނުދެއެވެ. އުމުރުން 51 އަހަރުގެ ޖޯންގެ ގާތްގަނޑަކަށް 36 މިލިއަން ޑޮލަރު އެބަހުއްޓެވެ.
- ހުނަރުވެރި ޒުވާން އެކްޓަރު، ވަރުން ދަވަންގެ ދެ ލޮލުގެ ޖާދޫގައި ނުޖެހެނީ ކޮން އަންހެނެއް ހެއްޔެވެ؟ އޭނާގެ ރީތި ހަށިގަނޑާއި ތުންފަތް އެއީ ފާހަގަ ނުކޮށް ދޫކޮށްލެވޭނެ ތަންތަނެއް ނޫނެވެ. އުމުރުން 36 އަހަރުގެ ވަރުންއަށް އަލަތު ދަރިއަކު ލިބެންއުޅޭއިރު، އޭނާގެ މިލްކިއްޔާތުގައި 50 މިލިއަން ޑޮލަރު އެބަހުއްޓެވެ.
- ޒުވާން ސިދާތު މަލްހޯތުރާގެ މޫނުގެ ބައްޓަމާއި ހެއާ ސްޓައިލާއި ދިގު އިސްކޮޅާއި އިސްކޮޅާ އެއްވަރުގެ ރީތި ހަށިގަނޑާއި ހިނިތުންވުން ހަމަ އެއް ވަނައެވެ. މި ލިސްޓުން އޭނާ ޖާގަ ހޯދީ މި ސިފަތަކުގެ ސަބަބުންނެވެ. އޭނާ ބޮލީވުޑްގެ ބަތަލާ ކިއާރާ އަޑްވާނީ އާ ކައިވެނިކުރި ދުވަސް ވެގެންދިޔައީ ގިނަ ބަޔަކަށް ހިތާމަވެރި ދުވަހަކަށެވެ. އުމުރުން 39 އަހަރުގެ ސިދާތްގެ މިލްކިއްޔާތުގައި ގާތްގަނޑަކަށް 13 މިލިއަން ޑޮލަރު އެބަހުއްޓެވެ.
- ރަންބީރު ކަޕޫރުގެ މަސްތީ ދެ ލޮލާއި ރަތް ދެ ތުންފަތާއި އިސްކޮޅާ ހެޔޮވަރުގެ ހަށިގަނޑުގެ ސަބަބުން އޭނާއަށް ނަޒަރު ހުއްޓިފައިވާ ލޯތައް ގިނައެވެ. ބޮލީވުޑްގެ ބަތަލާ އާލިއާ ބަޓްގެ ފިރިމީހާ ރަންބީރު (41އ) ގެ މިލްކިއްޔާތުގައި 45 މިލިއަން ޑޮލަރު އެބަހުއްޓެވެ.
7. ޝާހިދު ކަޕޫރުގެ ހަށިގަނޑާއި ހިނިތުންވުމާއި ނޭފަތާއި މޫނުގެ ބައްޓަން ވަރަށް ގިނަ ބަޔަކަށް ކަމުދެއެވެ. އުމުރުން 43 އަހަރުގެ ޝާހިދުގެ މިލްކިއްޔާތުގައި ގާތްގަނޑަކަށް 36 މިލިއަން ޑޮލަރު އެބަހުއްޓެވެ.
8. ބޮލީވުޑުގެ ޒުވާން އަދި ހުނަރުވެރި، ސްޓައިލިޝް އެކްޓަރު ރަންވީރު ސިންގަކީ "ޕާފެކްޓް ފިރިހެނެއް" ގެ ގޮތުގައި ފާހަގަނުކޮށް ދޫކޮށްލެވޭކަށްނެތެވެ. އޭނާގެ ބަރު އަޑާއި ފުރިހަމަ ހަށިގަނޑާއި ލޮލާއި މަޖާ މިޒާޖުގެ ސަބަބުން އޭނާގެ ޖާދޫގައި ޖެހޭ މީހުން ގިނައެވެ. ދާދިފަހުން ރަންވީރާއި އޭނާގެ އަންހެނުން ބޮލީވުޑްގެ މަޝްހޫރު ބަތަލާ ދިޕިކާ ޕަޑުކޯނަށް އަލަތު ދަރިއަކު ލިބޭކަން ވަނީ ހާމަކޮށްފައެވެ. އުމުރުން 38 އަހަރުގެ ރަންވީރުގެ މިލްކިއްޔާތުގައި 30 މިލިއަން ޑޮލަރު އެބަހުއްޓެވެ.
9. ސަލްމާން ޚާނަކީ ބޮލީވުޑްގައި ދެވަނައެއް ނެތް ފަދަ ރީތި ފިރިހެނެކެވެ. އޭނާގެ މަސްތީ ދެ ލޮލާއި ފިރިހެންވަންތަ އަޑާއި ވަރުގަދަ ހަށިގަނޑުގެ އަވައިގައި ނުޖެހޭ އަންހެނަކު ނެތޭ ބުންޏަސް ދޮގަކަށްނުވާނެއެވެ. ބޮލީވުޑްގެ އެންމެ ކާމިޔާބު އެކްޓަރުންގެ ލިސްޓްގައި ހިމެނޭ އުމުރުން 58 އަހަރުގެ ސަލްމާންގެ މިލްކިއްޔާތުގައި ގާތްގަނޑަކަށް 347 މިލިއަން ޑޮލަރު އެބަހުއްޓެވެ.
10. ޝާހުރުކްޚާނަކީ އުމުރުން ދުވަސްވެފައި ހުއްޓަސް، މިހާރުގެ ޒުވާން އެކްޓަރުންނާ އެއްހަމައެއްގައި އޭނާގެ ރީތިކަން ހިފަހައްޓަމުން އަންނަ ތަރިއެކެވެ. ހިނިތުންވުމާއި ލޮލާއި މޫނުގެ ބައްޓަމާއި ފުރިހަމަ ހަށިގަނޑު ހާދަ ޗާލެވެ. އޭނާގެ ސިގްނޭޗަރ ސްޓެޕް ޖައްސާތަން ބަލާލަން އަދިވެސް ގިނަ މީހުން ތިބެނީ ކެތްމަދުވެފައެވެ. މީހުން ބުނާ ގޮތުގައި އޭނާގެ އެކްޓިން އާއި ނެށުން ބަލާ ބަލާ ފޫހިނުވެއެވެ. ބޮލީވުޑްގެ ކާމިޔާބު އެކްޓަރ ޝާހް (58އ) ގެ މިލްކިއްޔާތުގައި ގާތްގަނޑަކަށް 735 މިލިއަން ޑޮލަރު އެބަހުއްޓެވެ.
