ޗިކުންގުންޔާ ހުމަކީ މަދިރިން ފަތުރާ ވައިރަހެއްގެ ސަބަބުން ޖެހޭ ބައްޔެކެވެ. މި ނަމުގެ މާނައަކީ 'ބެންޑްސް ޔޫ އަޕް' ނުވަތަ 'ސްޓޫޕްޑް ވޯކް' ކަމުގައި ވާއިރު، މި އިންފެކްޝަންގެ ސަބަބުން ހުޅުތަކާއި މަސްތަކުގައި ވަރަށް ބޮޑަށް ރިއްސާތީ އެވެ. އެހެން އަލާމާތްތަކުގެ ތެރޭގައި ކުއްލިއަކަށް ގަދަ ހުމުގެ އިތުރުން ބޮލުގައި ރިހުން، ވަރުބަލިވުން، ރޯގާ، މޭނުބައިކުރުން އަދި ލޯ ރަތްވުން ހިމެނެއެވެ. ގިނަ ފަހަރަށް ޗިކުންގުނިއާގެ އަލާމާތްތައް ފެންނަނީ ބަލިޖެހިފައިވާ މަދިރިއެއް ދަތްއެޅުމަށް ފަހު ދެ ދުވަހާއި 7 ދުވަހުގެ ތެރޭގައި އެވެ.
ޗިކުންގުންޔާގެ އެންމެ އުނދަގޫ އަދި ސީރިއަސް އަލާމާތަކީ އާދަޔާ ޚިލާފަށް ހުޅުހުޅުގައި ރިއްސުމެވެ. ގަދަ ހުން ހަފުތާއެއްހާ ދުވަހުން މައިތިރިވިކަމުގައިވިއަސް، ހުޅުތަކާއި ގައިގަ ރިހުން ރަނގަޅު ވުމަށް ދެތިން ހަފްތާއެއްހާ ދުވަސްނަގައެޗެ. އެކަމަކު މިވައިރަސް ހަށިގަނޑު ތެރެއަށް ވަނުމުން އަނެއް ބަޔަކަށް ހުޅުތަކާއި މަސްތަކުގައި ރިއްސުން މަސްތަކެއް ނުވަތަ އަހަރުތަކެއް ވަންދެން ދެމިގެންދާނެ އެވެ.
އިންފެކްޝަނަށް ފަރުވާ ދިނުމުގެ އަމާޒަކީ އަރާމުކުރުމާއި، ފެން ބުއިމާއި، އެސިޓަމިނޯފެން (ޓައިލެނޯލް) ފަދަ ބޭހެއް ބޭނުންކުރާށެވެ.
ދެން އޮތީ ޑެންގީ ހުމުގެ ބިރެވެ. ޑެންގީ ޖައްސަނީވެސް އީޑީސް ނަމަކަށް ނިޔާ މަދިރިއަކުންނެވެ. މި މަދިރި ހަފާނީ ދެއިރު ދެދަޅަ އަށެވެ. އެ މަދިރީގެ ފައިތަކާއި ކަށި އަދި ގައިގަ ކަޅުކުލައިގެ ތިރިތަކެއް ހުންނާނެއެވެ. ޑެންގީ ޖެހުމުންވެސް ގަދަ ހުމާއެކު ގައިގަ ރިހުމާއި ގަދައަށް ބޮލުގައި ރިހުން ގަދަ އަލާމާތްތައް ފެންނާނެއެވެ. ހުން މަޑުކުރުމަށްޓަކައި ޕެރަސެޓަމޯލް ފަދަ ބޭހެއް ބޭނުންކުރުމާއެކު ހަށިގަނޑުގައި ހޫނު ހިފަހައްޓާ ސަރަހައްދުތަކުގައި ފެންފޮތިލުމަކީ ހުން އަވަހަށް ފިލައިދެއެވެ.
މި ދެ ބަލިން ވެސް ރައްކާތެރި ވެވެން އޮތީ މަދިރިން ރައްކާތެރި ވެގެންނެވެ. މަދިރިއަކީ ސިއްހަތަށް ހުރި ބޮޑު ނުރައްކަލެކެވެ. ރައްކާވެތިބިއްޔާ ދަތުރެވެ. މަދިރިން ރައްކާތެރިވާށެވެ. މަދިރި އުފެދޭ ތަންތަން ނައްތާލާށެވެ. މަދިރިން ސަލާމަތްވުމަށް ޚާއްސަ ސުޕްރޭ އާއި ލޯޝަން ބޭނުންކުރާށެވެ. ގޭތެރެއިން މަދިރި މެރުމަށް ޚާއްސަ ސުޕުރޭ ބޭނުންކުރަން އާދަކުރާށެވެ.
