މާލެއިން ހުޅުމާލެއަށް ސައިކަލްގައި ދަނިކޮށް ހައިވޭމަތިން ކަހާލައިގެން އިއްްޔެ އެކްސިޑެންޓްވި މީހާ ފަރުވާދެމުން ދަނިކޮށް މިއަދު މަރުވެއްޖެއެވެ.
ފުލުހުން މައުލޫމާތު ދޭ ގޮތުގައި ސައިކަލް ކަހާލައިގެން އިއްޔެ އެކްސިޑެންޓްވި މީހަކީ އަވައްޓެރި ސްރީލަންކާއަށް ނިސްބަތްވާ ފިރިހެނެކެވެ. އެކްސިޑެންޓް ހިނގިކަމުގެ ރިޕޯޓް ފުލުހުންނަށް ލިބިފައިވަނީ، އިއްޔެ ހެނދުނު 06:40 ގައެވެ.
އެކްސިޑެންޓު ވުމުން އޭނާ އެންމެ ފުރަތަމަ ގެންދިޔައީ ހުޅުމާލެ ހޮސްޕިޓަލަށެވެ. ނަމަވެސް އޭނާއަށް ލިބުނު ޒަހަމްތަކަށް ފަރުވާދެވެން ނެތުމުން ފަހުން ވަނީ އޭޑީކޭ ހޮސްޕިޓަލަށް ގެންގޮސްފައެވެ.
ފުލުހުން ބުނީ އެކްސިޑެންޓް ހިނގާދިޔަގޮތް ތަހުޤީގް ކުރަމުން އަންނަ ކަމަށެވެ.
