އިސްލާމީ ކަންތައްތަކާ ބެހޭ ވުޒާރާގެ ރަސްމީ ވެބްސައިޓު ލޯންޗުކޮށްފިއެވެ.
އިސްލާމީ ކަންތައްތަކާއި ބެހޭ ވުޒާރާއިން ރޭ އެ ވެބްސައިޓު ލޯންޗުކުރުމަށް ބޭއްވި ހާއްސަ ރަސްމިއްްޔާތުގައި ރަސްމީކޮށް ވެބްސައިޓް ލޯންޗުކޮށްދެއްވާފައިވަނީ އިސްލާމީ ކަންތައްތަކާ ބެހޭ ވަޒީރު ޑރ މުޙައްމަދު ޝަހީމް އަލީ ސައީދެވެ.
އެ ވެބްސައިޓު ލޯންޗުކޮށްފައިވަނީ، އިސްލާމީ ވަޤުފް އޮންލައިން ލައިބްރަރީއަކާއި އެކުގައެވެ. އެ ލައިބްރަރީގައި އިސްލާމީ ކަންތައްތަކާ ބެހޭ ވުޒާރާއިން ޕަބްލިޝްކޮށްފައިވާ ފޮތްތައް ހިމެނެއެވެ.މީގެއިތުރުން ކީރިތި ރަސޫލާގެ ސިޔަރަތުގެ ދިވެހި ބަހުން ވީޑިއޯއިން ރިޕޯޓުތަކުގެ ސިފައިގައި ބަލައި އަޑު އަހާލަން ޙާއްސަ ޔުނިޓެއްގެ އިތުރުން ރިސާލަތު ޕްރޮގްރާމްގެ ހުރިހައި މައުޟޫއެއް ދިވެހި އަދި އިގިރޭސި ބަހުން ލިބެން ހުންނާނެ ޙާއްސަ ޔުނިޓެއް ވެބްސައިޓްގައި ވަނީ ޤާއިމްކޮށްފައެވެ.
