ހުޅުމާލެ ފޭސް ތިނަކުންް ދޫކުރުމަށް ހަމަޖެހިފައިވާ ގޯތިތައް ދޫކުރަން ފެށޭނެކަމަށް ލަފާކުރެވެނީ އަންނަ ނޮވެމްބަރ މަހު ހިސާބުގައިކަމަށް ހައުސިން މިނިސްޓަރު ޑރ.އަލީ ހައިދަރު ވިދާޅުވެއްޖެއެވެ.
މިއަދުގެ ރައްޔިތުންގެ މަޖިލީހުގެ ޖަލްސާގައި ރައްޔިތުންގެ މަޖިލީހުގެ ގަޅޮޅު އުތުރު ދާރިރާގެ މެންބަރ މުހައްމަދު އިބްރާހިމް ކުރެއްވި ސުވާލަކަށް ޖަވާބު ދެއްވަމުން މިނިސްޓަރ ޑރ.އަލީ ހައިދަރު ވިދާޅުވީ ހުޅުމާލެ ފޭސް 3 އިން ދޫކުރަން ހަމަޖެހިފައިވާ ގޯތިތައް ދޫކުރުމަށް ހަމަޖެހިފައިވަނީ އެތަން ހިއްކާ ނިމުމުން ކަމަށާއި އެހެންކަމުން އަންނަ ނޮވެމްބަރ މަހު އެތަނުން ގޯތި ދޫކުރަން ފެނޭނެކަމަށް ލަފާކުރެވޭ ކަމަށެވެ.
ހުޅުމާލޭގެ ފޭސް 3 ގެ ބިންހިއްކުމުގެ މަސައްކަތް އަލުން ފެށީ މިއަހަރުގެ ޖޫން އެވެ. ހިއްކަން ހަމަޖެހިފައިވ 63 ހެކްޓަރުގެ ތެރެއިން ބާކީ އޮތް 40 ހެކްޓަރުގެ ބިން ހިއްކާ ނިންމާލެވޭނެކަމަށް ލަފާކޮށްފައިވަނީ މިއަހަރުގެ ނޮވެމްބަރ މަހުއެވެ.
