ތިލަފުށީ ފަޅުގެ ބައެއް ހިސާބުތަކުގައި އަޅާފައި ހުރި އުޅަނދުތަކެއް ނެގުމަށް އެޗްޑީސީން މިއަދު އިޢުލާނު ކޮށްފިއެވެ.
އެޗް ޑީސީން މިއަދު ކުރި އިޢުލާނުގައި ބުނެފައިވަނީ ތިލަފުށީގައި ހިއްކާފައިވާ ބައެއް ސަރަހައްދުތަކުގައި ހިއްކުމަށްފަހު ސްލޯޕިންގެ މަސައްކަތް ކުރަމުންދާތީ އެސަރަހައްދުގެ ފަޅުތެރޭގައި އަޅާފައިހުރި އުޅަނދުތައް މިއަދުން ފެށިގެން 7 ދުވަހުގެ ތެރޭގައި ނެގުމަށެވެ. އަދި އެ މުއްދަތުގެ ތެރޭގައި އެ އުޅަނދުތައް ނުނަގައިފިނަމަ އެ ކޯޕަރޭޝަނުން އާއްމުކޮށްފައިވާ "ކ.ތިލަފުށި އަދި ކ.ގުޅީފަޅު ފަޅުތެރެއަށް ދޫކޮށްލާފައިވާ އުޅަނދުފަހަރާއި ތަކެއްޗާއިމެދު އަމަލުކުރުމުގެ އުސޫލު" ގައި ބަޔާންކޮށްފައިވާ ގޮތުގެ މަތިން އަމަލުކުރާނެ ކަމަށެވެ.
އުޅަނދުފަހަރު ނަގަން އަންގާފައިވާ ސަރަހައްދު:
އަދި އުޅަނދު ފަހަރު ނެގުމާ ގުޅޭގޮތުން އިތުރު މައުލޫމާތު އޮޅުން ފިލުވުމަށް އެ ކޯޕަރޭޝަނުގެ ނަންބަރު 1516 އަށް ގުޅުއްވައިގެން މައުލޫމާތު ސާފުކުރެވޭނެކަމަށްވެސް އިއުލާނުގައި ބަޔާންކޮށްފައިވެއެވެ.
