ކޫއްޑޫ އެއާޕޯޓުގެ މަރާމާތު ނިންމައި ވަރަށް އަވަހަށް އޮޕަރޭޝަނަން ގެންނާނެކަމަށް ޓްރާންސްޕޯޓް މިނިސްޓަރ އަމީން ވިދާޅުވެއްޖެއެވެ.
ކޫޢްޑޫ އެއާޕޯޓްގެ މަރާމާތަ ގުލޭ ގޮތުން މިނިސްޓަރ އަމީން އެކްސް ގައި ކުރައްވާފައިވާ ޕޯސްޓެއްގައި ވިދާޅުވެފައިވަނީ މޯލްޑިވިއަން އިން ކޫއްޑޫއަށް ދަތުރުތައް ހުއްޓާލަން ނިންމީ ދިގުމުއްދަތެއްގައި އެއަރޕޯރޓް މެއިންޓެއިން ނުކުރެވި އަދި ރަންވޭގެ ޙާލަތުގެ ސަބަބުން، މޯލްޑިވިއަންގެ ދެ ބޯޓަކަށް ގެއްލުންވުމާ ގުޅިގެން ކަމަށާއި، މިނިސްޓްރީގެ އިސް ނެގުމާއެކު، ސިވިލް އޭވިއޭޝަން އޮތޯރިޓީއާއި، އެއަރޕޯޓް އޮޕަރޭޓަރ އަދި ގުޅުންހުރި ފަރާތްތަކާ ގުޅިގެން އެ މައްސަލަ ޙައްލުކުރުމުގެ މަސައްކަތް ފަށާފައިވާ މިހާރު ފަށާފައިވާ ކަމަށާއި، އިރާދަކުރެއްވިއްޔާ ވަރަށް އަވަހަށް އެ މައްސަލަ ހައްލުކޮށް އެއަރޕޯޓް އާންމު ޙާލަތަށް ގެނެވޭނެކަމަށެވެ.
ކޫއްޑޫ އެއާޕޯޓްގެ ރަންވޭ އާއި އެޕްރަން ގެ ހާލަތު ދަށްވެގެން ގައުމީ އެއާލައިންގެ ދަތުރުތައް އެ އެއާޕޮޓަށް ވަގުތީގޮތުން ހުއްޓާލާފައިވަނީ މި މަހުގެ 10 ވަނަ ދުވަހުއެވެ.
