3 މީހުންނާއެކު މަހަށް ނިކުމެ އުޅެނިކޮށް ޑިންގީ ބަންޑުންޖަހާލައި ކަނޑުވި ބަޔަކު އެމްއެންޑީއެފް ގެ ކޯސްޓްގާޑުން ސަލާމަތް ކޮށްފިއެވެ.
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނެފައިވަނީ 3 މީހުންނާއެކު މަހަށް ނިކުމެ އުޅެނިކޮށް ޑިންގީއެއް ބަންޑުންޖަހާލައިގެން އުޅޭކަމުގެ މައުލޫމާތު މިއަދު ހެނދުނު 06:11 ހާއިރު ލިބުމާއެކު، އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން ކުރި މަސައްކަތުން 09:32 ހާއިރު، ބަންޑުންޖަހާލާފައިވާ ޑިންގީ އާއި 3 މީހުން ހޯދާފާއިވާކަމަށެވެ.
އެކަން ހާމަކޮށް އެމްއެންޑީއެފް އިން އާއްމުކޮށްފައިވާ ވީޑިއޯއިން ފެންނަ ގޮތުގައި ކޯސްޓްގާޑް ގެ އުލަނދު އެހިސާބަސް ދިޔައިރު ޑިންގީން މަހަށް ނިކުމެ އުޅުނު 3 މީހުންވެސް ތިބީ ބަންޑުންޖަހާލާފައިވާ ޑިންގީގެ މަތީގައެވެ.
ކޯސްޓޓް ގާޑުން އާއްމުކޮށްފައިވާ މައުލޫމާތަށް ބަލާއިރު އެމީހުން ފެނިފައިވަނީ ޑިންގީ ބަންޑުންޖަހާލައިގެން އެކަމުގެ ރިޕޯޓް ކުރިތާ 3 ގޑިއިރު ފަހުންނަނެވެ. ނަމަވެސް މިއަދަކީ މާލެ ސަރަހައްދަށް މޫސުން އެހާ ގޯސް ދުވަހަކަށްނުވާތީ ވީޑިޯއިން ފެންނަ ގޮތުން އެމީހުންގެ ހާލު އެހާގޯސް ކަމަކަށް ނުބެލެވެއެވެ.
