ރޮނާލްޑޯގެ ސަޕޯޓަރެއް ރޮނާލްޑޯ އާއި ބައްދަލުކުރުމަށްޓަކައި ބައިސްކަމުގައި ޗައިނާއިން ސައުދީއަރަބިއްޔާ އަށް ގޮއްސި އެވެ.
އުމުރުން 24 އަހަރުގެ ޗައިނާ ގެ ޒުވާނެއްކަމަށްވާ ގޮންގް ކްރިސްޓިއާނޯ ރޮނާލްޑޯ އާއި ބައްދަލުކުރުމަށް ޗައިނާއިން ބައިސްކަލުގައި ކުރި 7 މަސްދުވަހުގެ ދަތުރު ފަށާފައިވަނީ މިއަހަރުގެ މާރިޗް މަހުގެ 18 ވަނަ ދުވަހުއެވެ. އަދި އެ ދަތުރު ނިންމާލެވިފައިވަނީ މިމަހުގެ 10 ވަނަ ދުވަހު އެވެ. އެ ދަތުރުގައި އޭނާ ވަނީ 13000 ކިލޯ މީޓަރ ބައިސްކަލުގައި ދަތުރުކޮށްފައެވެ.
އެސްސީއެމްޕީން ރިޕޯޓްކޮށްފައިވާ ގޮތުގައި ގޮންގް ގެ އެ ދަތުރުގެ އެއްމެ ބޮޑު ކާމިޔާބަކީ އޭނާގެ އެ ހިތްވަރުގަދަ ދަތުރުގެ ޙަބަރު ކްރިސްޓިއާނޯ ރޮނާލްޑޯ އަށް ލިބުމާއެކު އަލް-ނަސްރު ފްޓްބޯލް ޓީމާއެކު އޮކްޓޯބަރ 20 ވަނަ ދުވަހު އޭނާއާއި ކްރިސްޓިއާނޯ ރޮނާލްޑޯ ބައްދަލުކުރުމެވެ.
އޭނާގެ ހުވަފެން ހަގީގަތަކަށް ހެދުމަށް ގޮންގް އެންމެ ފުރަތަމަ ދިޔައީ ހުޅަނގަށް ދިއުމުގެ ކުރިން އުތުރުން ބެއިޖިން އަށެވެ. އެއަށްފަހު ޝިންޖިއާންއިން ކަޒަކިސްތާން، ޖޯޖިއާ، އީރާން އަދި ގަތަރު ހިމެނޭ ގޮތަށް އިތުރު ހަ ގައުމެއް ހުރަސްކޮށް އޭނާ ވަނީ ސައުދީ އަރަބިއްޔާގެ ވެރިރަށް ރިޔާޒަށް ގޮސްފަ އެވެ.
ގޮންގް ބުނެފައިވަނީ އޭނާ ބައިސްކަލުގައި ސައުދީއަރަބިއްޔާއަށް އައުމުގެ ވިސްނުން އައީ ރޮނާލްޑޯ ޗައިނާއަށް ކުރުމަށް ހަމަޖެހިފައިވާ ދަތުރު މިދިޔަ ފެބްރުއަރީ މަހުލިބުނު އަނިޔާއަށް ފަހު ރޮނާލްޑޯ ކެންސަލް ކުރުމުންނެވެ.
ބައިސްކަލުގައި 13،000 ކިލޯމީޓަރު ގެ ދަތުރުކޮށްފައިވަނީ ހަމައެކަނި 60،000 އެމްއޭއެޗްގެ ދެ ޕަވާ ބޭންކާއި ޓެންޓަކާއި ކެއްކުމުގެ ތަށިތަކާއި ފޭރާމާއި ދިރިއުޅުމަށް ބޭނުންވާ ބައެއް ސާމާނު ހިފައިގެން ދިޔަ އެވެ. އަދި ގައުމުތަކުގައި މީހުންނާ މުއާމަލާތްކުރުމަށް އޭނާ ބޭނުންކޮށްފައިވަނީ ޓްރާންސްލޭޝަން ސޮފްޓްވެއާ ކަމަށާއި، މިދިޔަ އޮގަސްޓް މަހު އަރުމީނިއާގައި އުޅެނިކޮށް ގަދަޔަށް ހުން އައިސްގެން މަގުމައްޗަށް އޭނާ މަގުމައްޗަށް ވެއްޓުމުން ހޮސްޕިޓަލަކުން އޭނާއަށް ހިލޭ ފަރުވާދީފައިވާކަމަށްވެސް އޭނާ ބުނެފައިވެއެވެ.
އޮކްޓޯބަރު މަހުގެ 10 ވަނަ ދުވަހު ރިޔާދަށް ދެވުނުއިރު ރޮނާލްޑޯ އޭރު ހުރީ ޔޫރަޕްގައި ކަމުން އޭނާގެ އައިޑޮލްއާ ބައްދަލުކުރަން ދުވަސްކޮޅަކަށް އިންތިޒާރު ކުރަން ޖެހުނެވެ. އަދި އަލްނަސްރު އެފްސީގެ ފަރާތުން އޭނާއަށް އެއް މިނެޓުގެ ފޭން މީޓިންއެއް އިންތިޒާމް ކުރާނެ ކަމުގެ ޔަގީންކަން ދިނުމުން އޭނާ ހުވަފެން ހަގީގަތަކަށް ވާނެކަމުގެ ޔަގީންކަން ލިބުނު ކަމަށާއި އަދި އެ ބައްދަލުވުމުގެ ކުރިން އޭނާއަށް ފުރަތަމަ ފަހަރަށް ރޮނާލްޑޯ ހަމަލޮލަށް ފެނި ރޮނާލްޑޯ ކުޅޭތަން ބަލާލުމަށްޓަކއި އަލްނަސްރު އާއި އަލް ޝަބާބް ބައްދަލުކުރި މެޗަށް ވަނުމުގެ ފުރުސަތު ސައުދީގެ ރޮނާލްޑޯގެ ސަޕޯޓަރެއްގެ ފަރާތުން އޭނާއަށް ލިބުނުކަމަށް އޭނާ ބުނެފައިވެއެވެ.
ގޮންގް ބުނީ ރޮނާލްޑޯއާ ބައްދަލުކުރަން ލިބުމުން އޭނާ ރޮނާލްޑޯ ގައިގައި ބައްދާލުމުގެ ފުރުސަތު ލިބުނު ކަމަށާއި އަދި އަލް ނަސްރު ނަމްބަރު 7 ގެ ޖާޒީއެއްގައި ރޮނާލްޑޯ ސޮއިކުރި އެވެ. އަދި ރޮނާލްޑޯ ވަނީ ގޮންގްގެ ރަހުމަތްތެރިންގެ ނަން ޖަހާފައިވާ ބެނާއެއްގައި ސޮއިކޮށްފަ އެވެ.
ރޮނާލްޑޯ އަކީ ޗައިނާގައި ވަރަށް މަގުބޫލު ކަން ހޯދާފައިވާ ފްޓްބޯލް ޕްލެޔރ އެކެވެ. ޗައިނާ މީހުންގެ މެދުގައި ރޮނާލްޑޯ މަޝްހޫރުވެފައިވަނީ "ސީ ލުއޯ" ގެ ނަމުންނެވެ.
