ޝާހްރުކް ޚާން އާއި ބައްދަލުކުރަން އިންޑިއާގެ ޖަރކަންޑަށް ނިސްބަތްވާ މީހަކު އޭނާގެ ވަޒީފާ ދޫކޮށްލާފައި މުމްބާއީ އަށް އައިސް ޝާހްރުކްހާން ގެކުރިމަތީ ހުންނަތާ 3 މަސްފަހުން އޭނާގެ ހުވަފެން ހަގީގަތަކަށް ވެއްޖެއެވެ.
އިންޑިއާގެ ޖަރކާންޑަށް ނިސްބަތްވާ އެމީހާ މުމްބާއީ އަށް އައީ އޭނާގެ ވަޒީފާވެސް ދޫކޮށްލުމަށްފަހު ހަމައެކަނި އޭނާގެ ފޭން ޝާހްރުކްހާން އާއި ބައްދަލުކުރުމަށެވެ. އެ ދަތުރަށް އޭނާ ފެށުމުގެ ކުރިން އޭނާ ވަނީ އޭނާގެ މަންމަ އާއި އަނބި މީހާ ގާތުގައި ކިތައްމެ ގިނަ ދުވަހެއް ވިޔަސް ދެން އެނބުރި އަންނާނީ ޝާހްރުކްހާން ޢާއި ބައްދަލުކުރުމަށްފަހުގައި ކަމަށް ބުނެފައެވެ.
އެމީހާ ޖަރކަންޑުން ކާރުގައި މުމްބާއީއަށް އައިސް ޝާހްރުކްހާންގެ ގެ "މަންނަތު" ކުރިމަތީގައި ދިރިއުޅެން ފެށިއެވެ. އެނޭ ނިދަނީ އޭނާގެ ކާރުގައެވެ. ކޮންމެ ދުވަހަކުވެސް އޭނާ ޝާހްރުކްހާން އާއި ބައްދަލުކުރަން އެދޭ ކަމަށް ލިޔެފައިވާ ބޯޑެއް ހިފައިގެން މަންނަތު ކުރިމަތީ ހިތްވަރާއެކު ކުރި މަސައްކަތައްފަހު 98 ދުވަހުގެ އިތިޒާރަށްފަހު ޝާހްރުކްހާން ހެ 59 ވަނަ އުފަންދުވަސް ފާހަގަކުރުމުގެ ޙަރަކާތްތަކުގެ ތެރެއިން ޝާހްރުކްހާން ވަނީ އޭނާގެ ފޭން އަބިރާ ދަރ އާއި ބައްދަލުކޮށް ހަދިޔާ ދީ ފޮޓޯ ނަގާފައެވެ.
