ފެންނަމުން މިދަނީ ހެޔޮ ވެރިކަމެއްގެ އުންމީދު ގެއްލި ނިޒާމް ޚަރާބު ވަމުންދާ މަންޒަރުކަމަށް އެމްޑީޕީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެއެވެ.
ޖުމްހޫރީ ދުވަހުގެ ތަހުނިޔާ ކިޔުމަށް އެމަނިކުފާނު އެކްސް ގައި ކުރައްވާފައިވާ ޕޯސްޓުގައި ވިދާޅުވެފައިވަނީ ދިވެހި ޖުމްހޫރިއްޔާއަށް 56 އަހަރު ފުރޭ މި ދަނޑިވަޅުގައި ފެންނަމުން ދަނީ ހަމަހަމަކަމާއެކު ކުރާ ހެޔޮ ވެރިކަމެއްގެ އުންމީދު ގެއްލި ވެރިކަމުގެ ނިޒާމު ޚަރާބުކުރަމުންދާ މަންޒަރުކަމަށާއި ރައްޔިތުންގެ ބުރަ މަސައްކަތުން ހޯދި ހައްގުތަކާއި ބާރުތައް ނިގުޅައިގަންނަމުންދާ މަންޒަރުކަމަށެވެ.
އެހެންކަމުން ޖުމްހުރީ ދުވަކީ އެފަދަ ކަންކަމަށް ފުރުސަތު ނުދިނުމަށް އަޒްމް ކަނޑައަލަންޖެހޭ ދުވަެއްކަމުގައިވެސް ފައްޔާޒް ވިދާޅުވެފައިވެއެވެ.
ޖުމްހޫރީ ދުވަހުގެ ހެޔޮއެދުމާއި ތަހުނިޔާ ރާއްޖޭގެ އެންމެހާ ރައްޔިތުންނަށް އަރިސްކުރަން. ދިވެހި ޖުމްހޫރިއްޔާއަށް 56 އަހަރު ފުރޭ މި ދަނޑިވަޅުގައި ފެންނަމުން ދަނީ ހަމަހަމަކަމާއެކު ކުރާ ހެޔޮ ވެރިކަމެއްގެ އުންމީދު ގެއްލި ވެރިކަމުގެ ނިޒާމު ޚަރާބުކުރަމުންދާ މަންޒަރު. ރައްޔިތުންގެ ބުރަ މަސައްކަތުން ހޯދި ހައްގުތަކާއި ބާރުތައް ނިގުޅައިގަތުމުގެ ފުރުސަތު ނުދިނުމަށް މިފަދަ ދުވަހެއްގައި އަޒުމް އާކުރަން ޖެހޭ.
