އައްޑޫ ސިޓީގެ ރަށްތަކުގައި ހިންގާ ފިހާރަތަކުން ބިސް ހުސްވެ ބިހައްޖެހިއްޖެއެވެ.
އައްޑޫ ގައި ބިހުގެ ދަތިކަން ކުރިމަތިވެފައިވާއިރު މާލެއިން އައްޑޫއަށް މުދާ ސަޕްލައިކުރާ ބޯޓްތަކަށް މޫސުމް ތަން ނުދިނުމުގެ ސަބަބުން ދަތުރުތަކަށް ހުރަސް އެޅިފައިވާއިރު ބިސް ނުލިބިގެން އެކަމުގެ ޝަކުވާތައް އާންމުންނާއި ހޮޓާ ރެސްޓޯރަންޓް ފަދަ ތަންތަން ހިންގާ ފަރާތްތަކުން ކުރަމުންދާކަމަށް އައްޑޫގެ ވިޔާފާރިވެރިން ބުނެއެވެ.
އައްޑޫއިން މައުލޫމާތު ހިއްސާކުރި ބައެއް އާއްމުރައްޔިތުން ބުނި ގޮތުގައި ބައެއް ސަރަހައްދުތަކުގައި ހުންނަ ކަންމަތީ ފިހާރާތަކުގައި ކޮންމެވެސް ވަރަކަށް ބިސްހުރިނަމަވެސް އައްޑޫއިން ބިސް ހުސްވެފައިވާތީއާއި މޫސުމާގުޅިގެން ބިސްލިބުން ލަސްވާނެތީ އެތަންތާ ހުރި ބިސްވިއްކަނީ ބޮޑުއަގުގައި ކަމަށެވެ.
