ސައިބީރިއަން އެއާލައިންސްގެ މަތިންދާބޯޓެއް ނޯރިލްސްކުގެ ރަންވޭއިން ކަހާލައިފިއެވެ.
ރަޝިއާގެ ވެރިރަށް މޮސްކޯއިން ފުރައިގެން ރަޝިއާގެ ނޮރިލްސްކު އަށް އިއްޔެ ދަތުރުކުރި ސައިބީރިއާ އެއާލައިންސްގެ މަތިންދާބޯޓު ރަންވޭއިން ކަހާލާފައިވަނީ އެލިކޭލް އިންޓަނޭޝަނަލް އެއާޕޯޓަށް ޖެއްސުމަށްފަހު ޓެކްސީވޭއަށް ދަނިކޮށް ކަމަށް ވެސްޓް ސައިބީރިއާގެ ޓްރާންސްޕޯޓް ޕްރޮސެކިއުޓާގެ އޮފީހުން ޓެލެގްރާމްގައި ހިއްސާކޮށްފައިވާ ބަޔާނެއްގައި ބުނެފައިވެއެވެ.
ސައިބީރިއާ ކްރަސްނޯޔަރސްކް ސަރަޙައްދުގައި އޮންނަ ނޮރިލްސްކަކީ މޮސްކޯގެ އިރުން 2800 ކިލޯމީޓަރަށްވުރެ ބޮޑު ސަރަހައްދެކެވެ.
އެ ހާދިސާ އާއިގުޅިގެން ސައިބީރިއަން އެއާލައިންގެ އެއާބަސް އޭ321 މަރުކާގެ މަތިންދާބޯޓު މިހާރުވަނީ ވަގުތީ ގޮތުން ގްރައުންޑްކޮށްފައެވެ. އެވަގުތު މަތިންދާބޯޓުގައި 79 ފަސިންޖަރުން ތިބިކަން އެ ބަޔާނުގައި ފާހަގަކޮށްފައިވާ އިރު، ހާދިސާ ހިނގަން މެދުވެރިވި ސަބަބު ދެނެގަތުމުގެ މަސައްކަތް ދަނީ ކުރަމުންނެވެ.
