ލ.ގަމުގައި 50 އެނދުގެ ސިޓީ ހޮޓަލެއް އެޅުމަށް ފެޑޯ ޕްރައިވެޓް ލިމިޓެޑް އާއި ލ.ގަމު ކައުންސިލާ ދެމެދު އެއްބަސްވުމެއްގައި ސޮއިކޮށްފިއެވެ.
ގަމު ކައުންސިލްގެ އިދާރާގައި އޮތް ރަސްމިއްޔާތެއްގައި 50 ކޮޓަރީގެ ސިޓީ ހޮޓަލުގެ އެއްބަސްވުމުގައި ގަމު ކައުންސިލްގެ ފަރާތުން ސޮއިކުރެއްވީ ކައުންސިލްގެ ރައީސް، އަހުމަދު ޒަކީ އެވެ. ފެޑޯގެ ފަރާތުން އެއްބަސްވުމުގައި ސޮއިކުރެއްވީ ކުންފުނީގެ މެނޭޖިންގ ޑިރެކްޓަރ، އަހުމަދު ފަޔާޟް އެވެ.
ފެޑޯ ޕްރައިވެޓް ލިމިޓެޑް އަކީ ރާއްޖޭގައި 12 އަހަރަށްވުރެ ގިނަ ދުވަހު، ފުޅާ ދާއިރާއެއްގައި ކޮންސްޓްރަކްޝަން މަސައްކަތް ކުރަމުންދާ ކުންފުންޏެކެވެ. ފެޑޯ ޕްރައިވެޓް ލިމިޓެޑް އިން ގަމުގެ ކުރިޮ ސަރަހައްދުގައި ތަރައްގީ ކުރުމަށް ނިންމާފައިވަނީ ޖުމްލަ 50 ކޮޓަރި ހިމެނޭ، ހަތަރު ފްލޯގެ ސިޓީ ހޮޓަލެކެވެ.
