ރާއްޖޭގެ ބޮޑު ބަޔަކަށް މިއަދު މޫސުމް ގޯސްވެ ވައިގަދަވާނެ ކަމަށް ލަފާކޮށް މޫސުމާ ބެހޭ އިދާރާ، މޯލްޑޮވްސް މީޓިއޮރޮލޮގީ ސާވިސް (މެޓް އޮފީހުން) ވައިޓް އެލާޓް ނެެރެފި އެވެ.
މިއަދު ހެނދުނު 09:00 އިން ފެށިގެން މެންދުރުފަހު 15:00 އަށް ވައިޓް އެލާޓް ނެރުނީ ހއ. އަތޮޅުން ފެށިގެން ފ. އަތޮޅާ ހަމައަށެވެ.
މެޓް އޮފީހުން ނެރުނު އެލާޓްގައި ވާ ގޮތުން މި ސަރަހައްދަށް ގުގުރުމާއިއެކު ބޯކޮށް ވާރޭ ވެހޭނެކަމަށް އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާކުރެވެ އެވެ.
Alert White for heavy rain and thunderstorms with gusts of 40 mph. pic.twitter.com/pRvHQOdzEh
— Maldives Meteorology (@MetMaldives) December 21, 2022
މިދިޔަ ހަފުތާގެ އެކި ދުވަސް ތަކުގައި ވެސް ވަނީ ރާއްޖޭގެ އެކި ސަރަހަތްދުތަކަށް މޫސުން ގޯސްވެ ވިއްސާރަ ކޮށްފައެވެ. ރެއާއި އިއްޔެ ވެސް ވަނީ ރާއްޖޭގެ އެކި ސަރަހައްދުތަކަށް ބޯކޮށް ވާރޭ ވެހިފައެވެ. ދެ މޫސުން ބެދޭ ދުވަސް ވަރު ، (ހުޅަނގު މޫސުން ނިމި އިރުވައި މޫސުން ފެށޭ، އަދި އިރުވައި މޫސުން ނިމި ހުޅަނގު މޫސުން ފެށޭ ދުވަސްވަރު) ރާއްޖޭގެ ކަނޑުތައް އާއްމު ގޮތެއްގައި ގަދަވެ އެވެ.
