އިންޑިއާ އެމްބަސީގައި ހުޅުޖަހަން ހިތްވަރު ދީ ޓުވީޓް ކުރި މައްސަލަ އެމްޓީޑީން ކުށްވެރިކޮށްފި އެވެ.
އައްޑޫގައި ހުޅު ޖެހި މައްސަލައިގެ "ބަދަލު އަދި އޮތީ ނުހިފި" ކަމަށް ބުނެ އެކަމުގެ ބަދަލު ހިފަން "އިންޑިއާ އެމްބަސީން" ފަށަން ކިހިނެއްވާނެތޯ ސުވާލުކޮށް ޓްވީޓްކުރީ "އައްބާސް އާދިލް ރިޒާ"އެވެ. އޭނާއަކީ ރައީސް ވަހީދުގެ ސަރުކާރުގެ ސްޕޯކްސްޕާރސަންއަކަށް އުޅުއްވި ބޭފުޅެކެވެ.
އެ މައްސަލައާ ގުޅިގެން މޯލްޑިވްސް ތާޑްވޭ ޑިމޮކްރަޓިކް (އެމްޓީޑީ) އިން ކުރި ޓްވީޓުގައި ބުނީ ޕީޕީއެމްގެ މެމްބަރެއް އަދި ކުރީ ސަރުކާރެއްގެ އޮފިޝަލެއް ކަމަށްވާ އައްބާސް، އިންޑިއާ އެމްބަސީގައި ރޯކުރަން ގޮވި މައްސަލަ ހަރުކަށި އިބާރާތުން ކުށްވެރިކުރާ ކަމަށެވެ.
"އިންޑިއާއަކީ އަހަރެމެންގެ އެންމެ ގާތް އަަވަށްޓެރި އަދި ކޮންމެ ވަގުތެއްގައި ވެސް އަހަރެމެންނަށް އެހީތެރިކަން ފޯރުކޮށްދޭ ގައުމެއް،" އެމްޓީޑީގެ ޓްވީޓުގައިވެ އެވެ.
MTD condemns the call for arson attack & inciting terror against the Indian High Commission in Maldives @HCIMaldives by PPM member and former government official @AbbasRiza !
India 🇮🇳 is our closest neighbor & they are always there for Maldives 🇲🇻 in every time we needed. https://t.co/oV9dhkURdH
— Maldives Third-Way Democrats (@MTDSecretariat) December 23, 2022
އެމްޓީޑީން މިކަން ކުއްވެރިކޮށް ޓްވީޓްކޮށް ޓްވީޓް ކުރިފަހުން އެމްޑީޕީއާއި އެމްއާރުއެމުންވެސް ވަނީ އެ މައްސަލަ ކުށްވެރިކޮށް މިމައްސަލަ ތަހުގީގުކޮށް އެކަމާ ގުޅިގެން އަޅަންޖެހޭ ހަރުކަށި ފިޔަވަޅުތައް އެޅުމަށް ގޮވާލައިފަ އެވެ.
