މަސްތުވާތަކެތީގެ ވިޔަފާރި ހުއްޓުވަން ފުލުހުން ހިންގި ބޮޑު އޮޕަރޭޝަނެއްގައި 6.8 ކިލޯގެ މަސްތުވާތަކެތި ހޯދައި، 17 މީހަކު ހައްޔަރުކޮށްފި އެވެ.'
ކަމިޝަނަރު އޮފް ޕޮލިސް މުހައްްމަދު ހަމީދު މިއަދު ކުރެއްވި ޓްވީޓެއްގައި ވިދާޅުވީ ޖުމްލަ 6.8 ކިލޯގެ މަސްތުވާތަކެތި އަތުލައިގަނެ، 17 މީހަކު ހައްޔަރުކުރީ މިދިޔަ ބުރާސްފަތި ދުވަހު ހިންގި އޮޕަރޭޝަނެއްގައި މާލެއާއި ހުޅުމާލޭގެ 10 ތަނެއް ބަލައި ފާސްކޮށްގެން ކަމަށެވެ. އެތަންތަން ބަލައި ފާސްކޮށް، އަތުލައިގަތް މަސްތުވާތަކެތީގެ އިތުރުން ގިނަ އަަދަދެއްގެ ފައިސާ ވެސް ފުލުހުން ވަނީ ހިފަހައްޓައިފަ އެވެ. އަތުލައިގަތް ފައިސާގެ ޖުމްލަ އަދަދަކީ 933،430.ރ އެވެ.
On 22nd December @PoliceMv conducted a counter-narcotics operation in which 10 locations in Male’ & HulhuMale’ were searched, 17 persons arrested, 6.8 kgs of narcotics & MVR 933,430 were seized. This was to disrupt drug trafficking and peddling by a well known crime group. pic.twitter.com/IiyMD6X4fL
— Mohamed Hameed (@M_Hameedh) December 24, 2022
ކަމިޝަނަރު ހަމީދު ވިދާޅުވި ގޮތުގައި ފުލުހުން އެ އޮޕަރޭޝަން ހިންގީ މަސްތުވާތަކެތި ޓްރެފިކްކޮށް އޭގެ ވިޔަފާރިކުރާ ކަމަށް މަޝްހޫރު ގްރޫޕެއްގެ ހަރަކާތްތައް ހުއްޓުވުމަށެވެ.
އެ އޮޕަރޭޝަނުގައި ހައްޔަރުކުރި މީހުންގެ ވަނަވަރެއްް ފުލުހުން އަދި ހާމައެއް ނުކުރެ އެވެ.
ރާއްޖެއަށް މަސްތުވާތަކެތި އެތެރެކުރުމާއި ވިޔަފާރިކުރުން ހުއްޓުވަން ފަހަކަށް އައިސް ފުލުހުން ވަނީ ގިނަ އޮޕަރޭޝަންތަކެއް ހިންފައިފަ އެވެ.
