އިންޑިއާ ހައިކޮމިޝަނުގައި ހުޅުޖަހަން ހިޔްވަރުދޭ މޭރުމަކުން، މިދިޔަ ބުރާސްފަތި ދުވަހު މީހަކު ޓްވީޓްކޮށްފައި ވާތީ އެ މައްސަލަ ބަލައި ފިޔަވަޅު އަޅާނެ ކަމުގެ އިންޒާރު ސަރުކާރުން މިއަދު ދީފި އެވެ.
އިންޑިއާ އެެމްބަސީގައި ހުޅުޖަހަން ހިތްވަރު ލިބޭ ގޮތަށް ޓްވީޓެއް ކުރީ ކުރީގެ ދެ ސަރުކާރެއްގައި އިސް މަގާމުތަކެއް ފުރުއްވި އަދި މިހާރު އިދިކޮޅު އެކްޓިވިސްޓެއްގެ ގޮތުގައި މަަސައްކަތްކުރައްވާ އައްބާސް އާދިލު ރިޒާގެ ނަމުގައި ހިންގާ ޓްވިޓާ ހޭންޑުލް އަކުންނެވެ. އެ ޓްވީޓާ މެދު ނުރުހުން ފާޅުކޮށް، އެ މައްސަލަ ބަލަން ގިނަ ބަޔަކު އަންނަނީ ގޮވައިލަމުންނެވެ.
Calls for arson on @HCIMaldives is an act of terror and is strongly condemned. Kindly be assured that HEP @ibusolih’s Zero Tolerance on Terror will be enforced. India is our closest development partner & attempts to stop development for the people of 🇲🇻will not be tolerated.🇲🇻🇮🇳
— Mariya Didi 🎈 (@MariyaDidi) December 24, 2022
އެ ޓްވީޓްގެ މައްސަލަ ބަލާނެކަމުގެ ޔަގީންކަން ދެއްވައި ޑިފެންސް މިނިސްޓަރު މާރިޔާ އަހުމަދު ދީދީ މިއަދު ހެނދުނު ކުރެއްވި ޓްވީޓެއްގައި ވިދާޅުވީ އިންޑިއާ އެމްބަސީގައި ހުޅުޖަހަން ގޮވައިލުމަކީ ޓެރަރިޒަމްގެ އަމަލެއް ކަމަށާއި އެކަން ހަރުކަށިކޮށް ކުށްވެރިކުރައްވާ ކަމަށެވެ.
"ޔަގީންކުރައްވާ، ރައީސް އިބްރާހީމް މުހައްމަދު ސޯލިހުގެ ޒީރޯ ޓޮލެރެންސް އޮން ޓެރާ [ސިޔާސަތު ތަންފީޒުކުރެވޭނެ. އިންޑިއާއަކީ އަޅުގަނޑުމެންގެ ތަރައްގީގެ އެންމެ ގާތް ބައިވެރިޔާ. އަދި ދިވެހިންގެ ތަރައްގީއަށް ހުރަސް އަޅަން ކުރާ މަސައްކަތްތައް ތަހައްމަލެއް ނުުކުރާނަން،" ޓްވީޓްގައި މާރިޔާ ވިދާޅުވި އެވެ.
ކަމިޝަނަރު އޮފް ޕޮލިސް މުހައްމަދު ހަމީދު ވިދާޅުވީ ހަމަނުޖެހުން ހިންގަން ނުވަތަ ޓެރަރިޒަމްގެ އަމަލެއް ހިންގަން ހިތްވަރުދޭ ކޮންމެ ކަމެއް ސީރިއަސްކޮށް ބަލައި ފުލުހުން އެކަން ތަހުގީގުކުރާނެ ކަމަށެވެ.
Any incitement of violence or encouragement of acts of terrorism will be taken seriously and investigated with due process by @PoliceMv. The spread of hate on social media is seemingly growing in Maldives. We are working with all stakeholders to effectively tackle the problem.
— Mohamed Hameed (@M_Hameedh) December 24, 2022
"ފެންނަ ގޮތުގައި ސޯޝަލް މީޑިއާގައި ރުޅިވެރިކަން ފެތުރުން ރާއްޖޭގައި އަންނަނީ އިތުރުވަމުން،" މިއަދު ކުރެއްވި ޓްވީޓެއްގައި ހަމީދު ވިދާޅުވި އެވެ.
އޭނާ ވިދާޅުވީ އެފަދަ ކަންތައްތައް ހުއްޓުވަން ކަމާ ބެހޭ ހުރިހާ ފަރާތްތަކަކާ އެކު ފުލުހުން މަސައްކަތްކުރަމުން އަންނަ ކަމަށެވެ.
