ޖަރުމަނުގެ ލެޝަރ އެއަރލައިން ކޮންޑޯގެ އާ އޭ330ނިއޯ މަރުކާގެ މަތިންދާބޯޓެއް ވެލާނާ އިންޓަރނޭޝަލަން އެއަރޕޯޓުގައި ޖައްސައިފިއެވެ.
މިއީ ކޮންޑޯގެ ބޯޓުތަކުގެ ޑިޒައިން ބަދަލުކުރިފަހުން ރާއްޖެއައި ފުރަތަމަ ބޯޓެވެ. ކޮންޑޯގެ މަތިންދާބޯޓުތަކުގެ ބޭރުގެ ކުލަވަރު ބަދަލުކޮއްފައިވަނީ މި އަހަރުގެ މޭއި މަހުގެތެރޭގައެވެ. އެހެން އެއަރލައިންތަކާ ތަފާތުކޮށް ކޮންޑޯގެ ބޯޓުތައް މިހާރު ފަރުމާކޮއްފައިވަނީ ބޯޓު ވަށައިގެން ހުރަސް ރަނގޮދަމައިގެންނެވެ.
ކޮންޑޯ މަތިންދާބޯޓުތައް ޒީނަތްތެރިކުރުމަށް ހުރަސް ރޮނގުތަކުން ފަރުމާކޮށްފައި ވަނީ ތަފާތު 5 ކުލައަކުންނެވެ. އެއީ ރީނދޫ، ރަތް، ނޫކުލަ، ފެހި އަދި މުށި ކުލައިންނެވެ.
ކޮންޑޯއަށް އޭ330ނިއޯ މަރުކާގެ މި މަތިންދާބޯޓު ލިބިފައި ވަނީ މީގެ ހަފްތާއެއް ކުރިނެވެ. އޭ330ނިއޯ މަތިންދާބޯޓުގައި 310 ފަސިންޖަރ ސީޓު ހުންނަ އިރު މީގެތެތޭގައި ހިމެނެނީ 30 ބިޒްނަސް ކުލާހާއި 64 ޕުރިމިއަމް އިކޮނޯމީ އަދި 216 އިކޮނޯމީ ކުލާސް ސީޓެވެ.
