ރާއްޖޭގައިވެސް މިޔުޒިކް ކުޅެ އަދި އަޑުއަހާލަން ބޭނުންވާ އެތައްހާސް ރައްޔިތުންނެއް އުޅޭކަމީ ހަގީގަތް، އެފުރުސަތު އެރައްޔިތުންނަށްވެސް އޮންނަންވާނެ ޔޫތު މިނިސްޓަރު އަހުމަދު މަހުލޫފް ވިދާޅުވެއްޖެއެވެ.
މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްއިން އިންތިޒާމުކޮށްގެން ހުޅުމާލެ ސިންތެޓިކް ޓްރެކްގައި ބޭއްވި މި ޝޯވ ބަލާލުމަށް އާއްމުންގެ ގިނަ ބަޔަކު ހާޒިރުވިއެވެ. މި ޝޯ ބަލަން 20،000 އާއި ގާތްކުރާ އަދަދަކަށް މީހުން ދިޔަކަށް މަހުލޫފް ވިދާޅުވިއެވެ.
ލަވަޔާއި މިއުޒިކާއި ގުޅޭގޮތުން ދެކެވޭ އެކި ވާހަތަކާއި ގުޅިގެން މަހުލޫފް ކުރެއްވި ޓުވީޓުގައި ވިދާޅުވީ ދިވެހިންގެ ތެރެއިން އެތައްހާސް ބަޔަކު ލަވަޔާއި މިއުޒިކަށް ޝައުގުވެރިކާން ރޭ ހާމަވެގެން ދިޔަކަމަށެވެ.
ރާއްޖޭގައިވެސް މިޔުޒިކް ކުޅެ އަދި އަޑުއަހާލަން ބޭނުންވާ އެތައްހާސް ރައްޔިތުންނެއް އުޅޭކަމީ ހަގީގަތް، އެފުރުސަތު އެރައްޔިތުންނަށްވެސް އޮންނަންވާނެ.
ރޭގެ ޝޯވް ބަލާލަން 20000 އާއި ގާތްކުރާ އަދަދަކަށް ހުޅުމާލެ ޓްރެކް އެއްކޮށް ފުރާލި.
އައު އަހަރުގެ ތަހުނިޔާ އަރިސްކުރަން. ❤️ pic.twitter.com/1NnXZbW0vu
— Ahmed Mahloof (@AhmedMahloof) January 1, 2023
އައު އަހަރަށް މަރުހަބާކިޔުމައް ބޭއްވި މި ޝޯގައި ވަނީ ބޮލީވުޑްގައި އަރަމުންއަންނަ ލަވަކިޔުންތެރިޔާ ޕަވްނީ ޕާންޑޭގެ ލަވަތަކެއް ހުށައަޅާފައެވެ. މީގެ އިތުރުން ލަވަކިޔުންތެރިޔާ ރާހުލް ބަޓްގެވެސް ހިއްގައިމު ލަވަތަކެއް ވަނީ ހުށަހަޅާފައެވެ.
