މިފްކޯގެ ސައިޓްތަކުގައި މަސްވެރިންނަށް ތެޔޮ ވިއްކުމުގެ ހިދުމަތް ދިނުމަށް ފިއުލް ސަޕްލައި މޯލްޑިވްސްއާއެކު އެއްބަސްވުމެއްގައި ސޮއިކޮށް އެ ޚިދުމަތްދޭން ފަށައިފިއެވެ.
މިއަދު އެއްބަސްވުމުގައި މިފްކޯގެ ފަރާތުން ސޮއި ކުރެއްވީ ސީއީއޯ އިސްމާއީލް ފައުޒީ އެވެ. އެފްއެސްއެމްގެ ފަރާތުން ސޮއި ކުރެއްވީ މެނޭޖިން ޑިރެކްޓަރު މުހައްމަދު ގަސަމް އެވެ.
މިއަދުން ފެށިގެން މިފްކޯގެ ގއ. ކޫއްޑޫ އާއި އައްޑޫ ފިޝަރީޒް ކޮމްޕްލެކްސްގައި މަސްވެރިންނަށް ތެޔޮ ވިއްކުމުގެ ހިދުމަތް އެފްއެސްއެމް އިން ދޭން ވަނީ ފަށާފަ އެވެ. އަދި ފެލިވަރު ފިޝަރީޒް ކޮމްޕްލެކްސްގައި އަންނަ ފެބްރުއަރީ މަހުގެ ތިން ވަނަ ދުވަހުން ފެށިގެން ތެލުގެ ހިދުމަތް އެފްއެސްއެމް އިން ދޭން ފަށަން ނިންމާފައި ވެއެވެ.
MIFCO and @FuelSuppliesMv signed an agreement on Tuesday to initiate fuel sale by FSM to fishermen at MIFCO's regional sites starting 3 Jan 2023.
FSM will begin fuel sales at Kooddoo and Addu Fisheries Complexes today while Felivaru Fisheries Complex is scheduled for February 3. pic.twitter.com/C99l6nScrb— MIFCO (@mifcomv) January 3, 2023
މި އެއްބަސްވުމުގެ ދަށުން ކްރެޑިޓަށް މަސްވެރިންނަށް ތެޔޮ ލިބިގެންދާނެއެވެ. މިފްކޯއާއި އެފްއެސްއެމް އަކީ އެސްޓީއޯގެ ދަށުން ހިނގަމުންއަންނަ ވަކި ދެ ކުންފުންޏެކެވެ. މިފްކޯގެ ސައިޓްތަކުގައި އެފްއެސްއެމްއިން ތެޔޮ ވިއްކަން ފެށުމުން މަސްވެރިންނަށް ބޮޑު ފަސޭހައެއް ލިބިގެންދާނެއެވެ. ސަބަބަކީ ހެޔޮއަގުގައި ފަސޭހަ ކަމާއެކު ތެޔޮ އެޅުމުގެ ފުރުޞަތު މަސްވެރިންނަށް ފަހުވުމެވެ.
