ސިނަމާލެ ބްރިޖު ހުޅުލެއަށް ނިމޭ ހިސާބުގައި މިއަދު ހިނގި ނުރައްކާތެރި އެކްސިޑެންޓެއްގައި ކާރެއް ފުރޮޅާލައިފި އެވެ.
އެ ސަރަހައްދުގައި މިވަގުތު ހުރި "މިނިވަން"ގެ ނޫސްވެރިޔާ ބުނި ގޮތުގައި ކާރު ފުރޮޅައިލީ ބްރިޖްގެ އަރިމަތީގައި ޖަހާފައިވާ ދަނގަޑު ޗެންޗޭނުގައި ކަމަށާއި އެ ކާރުގައި ތބި މީހުން މިހާރު ނަގައިގެން ގެންގޮސްފައިވާ ކަމަށެވެ.
ފުލުހުން ބުނީ ބްރިޖްމަތިން ދުއްވާފައި ދިޔަ ކާރެއް ފުރޮޅައިލާފައިވާ ކަމަށް 2:47 އެހާކަށް ހާއިރު ފުލުހުންނަށް ރިޕޯޓްކޮށްފައިވާ ކަމަށާއި އެ އެކްސިޑެންޓްގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށެވެ. އެކްސިޑެންޓްވި އިރު އެ ކާރުގައި ތިވީ ދިވެހި ދެ ފިރިހެނުން ކަމަށް ވެސް ފުލުހުން ބުންޏެވެ.
