މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އަށް ބަސް ޑްރައިވަރުން ހޯދަން މިއަދު ވޯކް-އިން އިންޓަވިއު އެއް ބާއްވާނެ ކަމަށް އެކުންފުނިން ބުނެފި އެވެ.
އެމްޓީސީސީން ބުނީ ބަސް ޑްރައިވަރުން ހޯދަން ބާއްވާ ވޯކްއިން އިންޓަވިއުތައް ކުރިއަށްދާނީ މިއަދު ހަވީރު 4:00އިން 6:00 އަށް މޭލާގައި ހުންނަ ހުޅުމާލެ ފެރީޓާމިނަލް ގައި ކަމަށެވެ. އެމްޓީސީން ކުރި އިއުލާނުގައި ވާގޮތުން ބަސްޑްރައިވަރަކަށް 12،000 ރުފިޔާއާއި 18،000 ރުފިޔާގެ ދެމެދުގެ މުސާރައެއް އެކުންފުނިން ދޭނެ އެވެ އަދި މުސާރައިގެ އިތުރުން މެޑިކަލް އިންޝުއަރެންސް، ކެރިއާ ޑިވެލޮޕްމެންޓްގެ އިތުރުން ޓްރެއިނިންގ ދޭނެކަމަށް ވެސް އެ އިއުލާނުގައި ވެއެވެ.
Great Opportunity for candidates who wish to #JoinTeamMTCC as our Bus Drivers. We will be conducting a Walk-in interview at Henveiru Ferry Terminal tomorrow from 16:00 pm to 18:00 pm. #RayyithungeKunfuni pic.twitter.com/9Ra5u0l0sd
— MTCC Plc (@MTCCPlc) January 16, 2023
އިންޓަވިއަށް ދާފަރާތްތަކުން ގެންދަން ޖެހޭނީ އައިޑީ ކާޑު އަދި ބީ2 ލައިސަންސް އެވެ.
އެމްޓީސީސީގެ ރާއްޖެ ޓްރާންސްޕޯޓް ލިންކް (އާރްޓީއެލް)ގެ ބަސް ހިދުމަތް މާލެއާއި ހުޅުމާލޭގެ އިތުރުން އައްޑުއާއި ފުވައްމުލަކާއި ލ. އަތޮޅުގައި ވެސް އަންނަނީ ދެމުންނެވެ. ބަހުގެ ހިދުމަތް ފަސޭހަކުރުމަށް ޓަކައި ކޭޝްކާޑު ބޭނުން ކޮށްގެން ފައިސާ ދެއްކޭނެ އިންތިޒާމު ވެސް އެމްޓީސީސީން މިހާރު ވަނީ ހަމަޖައްސާފައެވެ.
