ކޭޝިއަރެއް އަދި އެއްވެސް މުވައްޒަފެއްނެތް ފިހާއައެއް އެސްޓީއޯއިން ހުޅުވަން ތައްޔާރުވަމުން އަންނަކަމަށް އިއުލާންކުރުމާއެކު ޓެކްނޮލޮޖީގެ ރޮނގުން އެކުންފުނި ކުރިއަރަމުން އަންނަ މިންވަރު ހާމަވެއެވެ. މިއީ މިގޮތަށް ރާއްޖޭގައި ހުޅުވޭ ފުރަތަމަ ފިހާރައެވެ. ނަމަވެސް ދައްކަން މިއުޅެނީ ޓެކްނޮލޮޖީގެ ގޮތުން އެކުންފުނި ކުރިއަރާ ވާހަކައެއް ނޫނެވެ. އެންމެ އާދައިގެ މީހާއާވެސް ގުޅޭ ވަޒީފާގެ ފުރުޞަތުގެ ވާހަކައެވެ. ސުވާލަކީ އެއްވެސް މުވައްޒަފެއްނެތި ހިންގާ ފިހާރައެއް އެސްޓީއޯއަށް ކޮންމެހެން ބޭނުންހެއްޔެވެ.
ސަރުކާރުގެ ސިޔާސަތަކީ ވީހާވެސްގިނަ ވަޒީފާގެ ފުރުޞަތުތައް ހޯދައި ވީހާވެސް ގިނަ ޒުވާނުންނަށް އެ ފުރުޞަތުތައް ހޯދައިދިނުމެވެ. މިކަން އެންމެ ބޮޑަށް ތަންފީޒު ކުރެވޭނީ ސަރުކާރު ހިއްސާވާ ކުންފުނިތަކަށެވެ. ވީއިރު ސަރުކާރުގެ ސިޔާސަތުތައް ތަންފީޒު ކުރުމުގެ ބަދަލުގައި އަމިއްލަ އެޖެންޑާއެއްގެ ދަށުން ކަންކަން ކުރަމުންދާތީ އެސްޓީއޯއަށް ވަނީ ފާޑުކިޔުން އަމާޒުވެފައެވެ. މިކަމަކީ ހަރަދު ކުޑަކުރުމުގެ ގޮތުން ކުރާ ކަމެއް ނަމަ އަމިއްލަ ވިޔަފާރިވެރިން މިކަން ނުކުރަނީ ކީއްވެހެއްޔެވެ.
ކޭޝިއަރެއް ނުހުންނަ ފިހާރައިގެ މަސައްކަތް ކުރިޔަށް ދަނީ. މާރޗް މަހު ހުޅުވޭނެ. pic.twitter.com/LcosY0dYnR
— Amr 🎈 (@HusenAmr) February 13, 2023
މިއީ ދިވެހިންނަށް އާ ކޮންސެޕްޓެއް ކަމުގައި ވީނަމަވެސް ދުނިޔޭގެ ކުރިއަރާފައިވާ ގައުމުތަކުގައި މިހާރުވެސް ބޭނުން ކުރަމުން އަންނަ ޓެކްނޮލޮޖީއެކެވެ. ނަމަވެސް ދިވެހި ޒުވާނުންނަށް ބޭނުންވަނީ ވަޒީފާއެވެ.
