ރާއްޖޭގެ ބޮޑުވަޔަކަށް ގުގުރުމާއި އެކު ބޯކޮށް ވާރޭ ވެހޭނެކަމަށް ލަފާކޮށް މޫސުމާ ބެހޭ އިދާރާ، މޯލްޑިވްސް މީޓިއޮރޮލޮޖީ ސާވިސް (މެޓް އޮފީހުން) ވައިޓް އެލާޓް ނެރެފި އެވެ.
މިއަދު މެންދުރު 13:00 ކުން އިރު އޮއްސި 6:00 އަށް ވައިޓް އެލާޓް ނެރުނީ ހއ. އަތޮޅުން ފެށިގެން އދ. އަތޮޅާ ހަމައަށެވެ.
Alert White for heavy rain and thunderstorms. pic.twitter.com/h2VTRPpBnp
— Maldives Meteorology (@MetMaldives) March 6, 2023
މެޓް އޮފީހުން ނެރުނު އެލާޓްގައި ވާ ގޮތުން މި ސަރަހައްދަށް މިއަދު ބޯކޮށް ވާރޭ ވެހުމާއެކު ގުގުރާނެ ކަމަށް ލަފާކުރެވެ އެވެ.
ރާއްޖޭގެ އުތުރަށް މޫސުން ގޯސްވާނެކަމަށް ލަފާކުރެވޭތީ މޫސުމާ ބެހޭ އިދާރާއިން ނެރޭ އެލާޓްތަކަށް ސަމާލުވާން އެ އިދާރާއިން އެދެ އެވެ.
މުސުމާ ބެހޭ އިދާރާއިން މިއަދު އާއްމުކުރި ސެޓެލައިޓް ފޮޓޯއަކުން ފެނަން ގޮތުގައި ރާއްޖޭގެ އުތުރުން ފެށިގެން މެދުތެރެއާ ހަމައަށް ބޯ ވިލާތައް ފެތުރިފައި އެބަ އޮތެވެ.
