ފުލުހުންގެ ކާރެއްގައި ސައިކަލެއް ޖެހި، ނުރައްކާތެރި އެކްސިޑެންޓެއް ހިނގއިފިއެވެ.
އެ އެކްސިޑެންޓް ހިނގާފައިވަނީ މިއަދު ހެނދުނު ސިނަމާގެ ބްރިޖްމަތީ އެއާޕޯޓާ ވީކޮޅުގައިވާ ޓްރެފިކް ލައިޓްގެ ކައިރީގަ އެވެ.
ފުލުހުން ބުނީ ބްރިޖު އެއާޕޯޓް ލައިޓް ކައިރިން ކާރަކާއި ސައިކަލެއް އެކްސިޑެންޓް އެއް ހިނގާފައިވާކަމަށް މިއަދު ހެނދުނު 07:49 ގައި ފުލުހުންނަށް މައުލޫމާތު ލިބިފައިވާ ކަމަށެވެ. އެ އެކްސިޑެންޓް ގައި ސައިކަލް ދުއްވަން އިން މީހާ އަށް އަނިޔާވެގެން ހުޅުމާލެ ހޮސްޕިޓަލުގައި ފަރުވާދެމުން އަންނަ ކަމަށްވެސް ބުންޏެވެ.
މި އެކްސިޑެންޓާއި ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.
🚨#Breaking: Bridge highway mathee cycle eh Police car ga jehi nurakkatheri accident eh hin’gaifi
Ithuru mauloomaathu: https://t.co/CVWoynJkw1 pic.twitter.com/Do21h750LC
— #MvCrisis (@MvCrisis) March 14, 2023
އެ އެކްސިޑެންޓްގެ މަންޒަރު ފެންނަ ވީޑިއޯއެއް ސޯޝަލްމީޑިއާގައި އަންނަނީ ދައުރުވަމުންނެވެ. އެވީޑިއޯއިން ފެންނަ ގޮތުގައި ސައިކަލް ދުއްވަންއިން މީހާ ފުލުހުންގެ ކާރުގައި ޖެހި ދިހަވަރަކަށް ފޫޓަށް ވިއްސައިގެން ދިޔަ އެވެ. އަދި އެމީހާގެ އެއްވެސް ހަރަކާތެއް ވީޑިއޯ އަކުން ނުފެނެއެވެ.
އެ އެކްސިޑެންޓްގައި ފުލުހުންގެ ކާރަށާއި ސައިކަލަށް ވަނީ ވަރަށް ބޮޑަށް ގެއްލުން ވެފައެވެ.
