ފިއުލް ސަޕްލައި މޯލްޑިވްސް އަށް ގެންނަ އައު 2 ބޯޓު މިހާރު ސުއެޒް ކެނަލް ހުރަސްކޮށް ރާއްޖެ އައުމަށް ދަތުރު ފަށައިފިއެވެ.
އެފް.އެސް.އެމްއިން ބުނީ މި 2 ބޯޓު އެފް.އެސް.އެމްގެ ފްލީޓާއި ގުޅުމުން އެފް.އެސް.އެމް އޮޕަރޭޝަން އިތުރަށް ފުޅާ ވެގެން ދާނެކަމަށެވެ. މި ދެ ބޯޓަކީ 180،000 ލީޓަރުގެ ޑީސެލް އަދި 60،000 ލީޓަރުގެ ޕެޓްރޯލް ކެޕޭސިޓީއެއް ލިބިގެންވާ 2 ބޯޓުކަމަށް އެފް.އެސް.އެމްއިން ވަނީ ބުނެފައެވެ.
މި ދެ ބޯޓަށް ދީފައިވާ ނަމަކީ "މާރެހި" އަދި "ރާބުޅާ" އެވެ.
ފިއުލް ސަޕްލައި މޯލްޑިވްސްއަކީ އެސްޓީއޯގެ ބެލުމުގެ ދަށުން ހިނގަމުންއަންނަ އެސްޓޯއޯގެ ސަބްސިޑަރީ ކުންފުންޏެކެވެ.
