ރ. އަލިފުށީގައި ކުރިޔަށް ގެންދާ ބިން ހިއްކުމާއި އެއަރޕޯރޓް ތަރައްގީ ކުރުމުގެ މަޝްރޫއުގެ ދަށުން އެއާރޕޯޓު ޓާރމިނަލް އިމާރާތުގެ ފައުންޑޭޝަންގެ މަސައްކަތް ނިމި، މިހާރު ކުރިއަށްދަނީ އަލިﷲާން ނިއްވާ އިމާރާތުގެ ފުރާޅުގެ މަސައްކަތް ކަމުގައި އެމްޓީސީސީއިން ބުނެފިއެވެ.
މި މަޝްރޫއުގެ މަސައްކަތް ކުރިއަށްގެންދާ އެމްޓީސީސީން މިއަދު ކުރި ޓްވީޓެއްގައި ބުނީ މިހާރު ކުރިއަށްދަނީ އަލިފާން ނިއްވާ އިމާރާތުގެ ރޫފިން މަސައްކަތްތައް ކަމަށެވެ.
ރ. އަލިފުށީ ބިން ހިއްކުމާއި އެއަރޕޯރޓް ތަރައްޤީ ކުރުމުގެ މަޝްރޫޢުގެ ދަށުން، އެއަރޕޯރޓް ޓާރމިނަލް އިމާރާތުގެ ފައުންޑޭޝަން މަަސައްކަތްތައް ވަނީ ނިމިފައި. އަދި މިހާރު ކުރިއަށްދަނީ އަލިފާން ނިއްވާ އިމާރާތުގެ ރޫފިންގް މަސައްކަތްތައް.#MTCCProjects #RayyithungeKunfuni pic.twitter.com/Of7p981S69
— MTCC Plc (@MTCCPlc) April 24, 2023
މިމަޝްރޫއަކީ 426.05 މިލިއަން ރުފިޔާގެ މަޝްރޫއަކަށްވާއިރު، މި މަޝްރޫއުގެ ދަށުން 50.5 ހެކްޓަރުގެ ސަރަޙައްދެއްގެ ބިން ހިއްކުމާއި، ހިއްކާ ބިމުގެ ގޮނޑުދޮށް ހިމާޔަތް ކުރުމަށްޓަކައި 2871 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 480 މީޓަރުގެ ސަރަޙައްދެއްގައި ގްރޮއިންސް ޖެހުން ހިމެނެއެވެ.
