އެމްއެންޑީއެފްގެ މޭޖަރ އަލީ ސަލީމް ކުއްލި ގޮތަކަށް މިއަދު ނިޔާވެއްޖެއެވެ.
މޭޖަރ އަލީ ސަލީމް ނިޔާވުމާއި ގުޅިގެން އެކަމުގެ ހިތާމައިގައި، ޗީފް އޮފް ޑިފެންސް ފޯސް މޭޖަރ ޖެނެރަލް ޝަމާލް ވަނީ ޓްވީޓެއް ކުރައްވާފައެވެ.
ޝަމާލް ކުރެއްވި ޓްވީޓްގައި ވިދާޅުވީ، އެމްއެންޑީއެފް ފަޔަރ އެންޑް ރެސްކިއު ސަރވިސްގައި ހިދުމަތްކުރައްވަމުން ގެންދެވި މޭޖަރ ޢަލީ ސަލީމް ނިޔާވީ ހަބަރު އެހީ ވަރަށް ފުންހިތާމައާ އެކުގައި ކަމަށެވެ. އަދި މޭޖަރ ސަލީމް ގެ އާއިލާ އަށް ވަނީ ތައުޒިޔާ ވިދާޅުވެފައެވެ.
އެމްއެންޑީއެފް ފަޔަރ އެންޑް ރެސްކިއު ސަރވިސްގައި ޚިދުމަތްކުރައްވަމުން ގެންދެވި މޭޖަރ ޢަލީ ސަލީމް ނިޔާވީ ޚަބަރު މި އެހީ ވަރަށް ފުންހިތާމައާ އެކުގައެވެ. pic.twitter.com/F95LLVqbuZ
— Maj. Gen. Abdulla Shamaal (@CDFofMNDF) April 25, 2023
މީގެ އިތުރުން ޝަމާލް ގެ ޓްވީޓްގައި ވިދާޅުވީ، މޭޖަރ ޢަލީ ސަލީމަކީ، ދިވެހި އަސްކަރީ ހިދުމަތުގައި އިހްލާސްތެރިކަމާއި ވަފާތެރިކަން މަތީ 34 އަހަރު ދުވަހު އަގުނުކުރެވޭފަދަ އެތައް ހިދުމަތްތަކެއް ކޮށްދެއްވާފައިވާ ބޭކަލެކަމަށާއި، ހާއްސަކޮށް، ފަޔަރ ފައިޓަރުން ތަމްރީން ކުރެއްވުމުގައި އަދާކުރައްވާފައިވާ ދައުރު ފާހަގަކޮށްލެވޭކަމަށެވެ.
