ފަލަސްތީނުގެ ވެރިރަށް ހުޅަނގު އައްސޭރީގައި، އިސްރާއީލު ސިފައިން ފަލަސްތީނުގެ ކުޑަކުއްޖަކު މަރާލާފައިވާ ކަމަށް ފަލަސްތީނުގެ އޮފިޝަލުން ބުނެފިއެވެ.
ރިޕޯޓްތައް ބުނާ ގޮތުން އެ ކުއްޖާ ގަޔަށް ބަޑި ޖަހާފައިވަނީ ބެތުލެހެމް އަވަށުގެ ކައިރީގައި އޮންނަ އަވަށެއްގައި އިސްރާއީލު ސިފައިންނާ ފަލަސްތީނު މީހުންނާ ދެމެދު ހިނގި ކުރިމަތިލުންތަކުގެ ތެރެއިންނެވެ.
މަންޒަރު ދުށް މީހުން ބުނާ ގޮތުގައި ފަލަސްތީނުގެ ޒުވާން ބަޔަކު ބެތުލެހެމް ކައިރީގައި އިޒްރޭލު ސިފައިންނާ ދިމާލަށް ގާ އުކާމުން ދަނިކޮށް ސިފައިން ވަނީ ކަރުނަ ގޭހާއި ބަޑީގެ ހަމަލާތައް ދީފައެވެ.
ފަލަސްތީނުގެ ސިއްހަތާ ބެހޭ ވުޒާރާއިން ބުނީ މަރުވެފައިވަނީ އުމުރުން 16 އަހަރުގެ މުސްތަފާ ސަބާހް ކަމަށާއި އޭނާގެ ބުރަކައްޓަށް ބަޑި ޖަހާފައިވާ ކަމަށެވެ. އިސްރާއީލުގެ އަސްކަރިއްޔާއިން ބުނީ ގާ އުކަމުން ދިޔަ ކަމަށް ތުހުމަތު ކުރެވޭ މީހުންނަށް އިންޒާރު ދިނުމުގެ ގޮތުން ލައިވް ހަތިޔާރު ބޭނުންކޮށްފައި ކަމަށެވެ.
އެ ހާދިސާ މިހާރު ދަނީ ރިވިއު ކުރަމުންނެވެ. އިތުރު ހާދިސާއެއްގައި، ޖެނިންގައި ހިންގި އޮޕަރޭޝަނެއްގައި ހަނގުރާމަވެރިކަމަށް ޝައްކުކުރެވޭ މީހަކު ހައްޔަރުކޮށް ހަތިޔާރު ހިފަހައްޓާފައިވާ ކަމަށާއި އެކަމުގެ ސަބަބުން ފަލަސްތީނުގެ ހަނގުރާމަވެރިންނާ ކުރިމަތިލުންތަކެއް ހިނގާފައިވާ ކަމަށް އިޒްރޭލު ސިފައިން ބުނެއެވެ.
އެ އޮޕަރޭޝަންގައި ފަލަސްތީނުގެ ހަތަރު މީހަކު ޒަހަމްވިއެވެ. މިދިޔަ ބުރާސްފަތި ދުވަހު އިސްރާއީލު ސިފައިން ވަނީ ހިފާފައިވާ ހުޅަނގު އައްސޭރީގައި ފަލަސްތީނުގެ މީހަކު މަރާލާފައެވެ.
