ރަސްމީ ދަތުރުފުޅެއްގައި، ރައީސް އިބްރާހީމް މުޙައްމަދު ސޯލިޙާއި އެމަނިކުފާނުގެ އަނބިކަނބަލުން ފަޒްނާ އަޙްމަދު މިރޭ އިނގިރޭސިވިލާތަށް ފުރާވަޑައިގެންފިއެވެ.
ރައީސުލްޖުމްހޫރިއްޔާގެ ދެކަނބަލުންގެ މިދަތުރުފުޅަކީ، އިނގިރޭސި ވިލާތުގެ ރަސްގެފާނު ޗާލްސް 3 ވަނަ، ރަސްކަމުގެ ތަޚުތުގައިވެޑުވުމުގެ ރަސްމިއްޔާތުގައި ބައިވެރިވެވަޑައިގެންނެވުމަށް ކުރައްވާ ދަތުރުފުޅެކެވެ.
ބަކިންހަމް ޕެލަސް އިން އިއުލާން ކޮށްފައިވާގޮތުގައި ރަސްގެފާނު ޗާލްސްގެ ތަހުތުގައި ވެޑުވުމުގެ ރަސްމިއްޔާތު އޮންނާނީ 6 މެއި 2023 ވާ ހޮނިހިރު ދުވަހު ލަންޑަންގެ ވެސްޓްމިންސްޓާ އެބީގަ އެވެ.
އެ ރަސްމިއްޔާތުގައި 'ދަ ކުއީން ކޮންސޯޓް' ކެމީލާ އާއި ރަސްގެފާނު ޗާލްސް ތިންވަނައިގެ އިސްތަށިފުޅުގައި ޝާހީ ތާޖު އަޅުއްވާނެ އެވެ.