ބޮޑު ތިލަދުން މަތީގެ ރައްޔިތުން ހަނިމާދޫން ފުރައިފެން ސީދާ ބެންކޮކަށް އަދި ދުބާއީއަށް ދުބާއީއަށް ދާ ދުވަސްތަށް އޮތީ ދާދި ގާތުގައި ކަމަށް އިކޮނޮމިކް މިނިސްޓްރީގެ ސްޓޭޓް މިނިސްޓަރު މުހައްމަދު އިޔާދު ހަމީދު ވިދާޅުވެއްޖެ އެވެ.
އިޔާދު ކުރެއްވި ޓްވީޓެއްގައި ވިދާޅުވީ، ހަނިމާދޫ އެއާޕޯޓުގެ މަސައްކަތް ދަނީ ބާރަށް ކުރިއަށް ކަމަށާއި ބޮޑުތިލަދުންމަތީ ރައްޔިތުން ހަނިމާދޫ އިން ފުރައިގެން ސީދާ ދުބާއީ، މުންބާއީ އަދި ބެންކޮކަށް ދާ ދުވަސް އޮތީ ދާދި ގާތުގައި ކަމަށެވެ.
ހަނިމާދޫ އެއަރޕޯޓުގެ މަސައްކަތް ދަނީ ބާރަށް ކުރިއަށް. ބޮޑުތިލަދުންމަތީ ރައްޔިތުން ހަނިމާދޫއިން ފުރައިގެން ސީދާ ދުބާއީ، މުންބާއީ،ބެންކޮކަށް ދާ ދުވަސް އޮތީ ދާދި ގާތުގައި. ދުނިޔޭގެ އެކި ޤައުމުތަކުން ފްލައިޓްތައް އައިސް ތިލަދުންމަތީގެ ގެސްޓްހައުސްތައް ފުރާލާ ދުވަސް އޮތީ ދާދި ގާތުގައި https://t.co/iHT7p7gsTY
— Mohamed Iaad Hameed (@iaadMV) May 16, 2023
އިޔާދު އިތުރަށް ވިދާޅުވީ، ދުނިޔޭގެ އެކި ގައުމުތަކުން ފްލައިޓްތައް އައިސް ތިލަދުންމަތީގެ ގެސްޓްހައުސްތައް ފުރާލާ ދުވަސް ވެސް އޮތީ ދާދި ގާތުގައިކަމަށެވެ.
އިކޮނޮމިކް މިނިސްޓްރީ، ބުނީ ހަނިމާދޫ އިންޓަނޭޝަނަލް އެއާޕޯޓް ޑިވެލޮޕްމަންޓް މަޝްރޫއުގައި ބޮޑެތި ކުރިއެރުންތަކެއް ވަނީ ލިބިފައިކަމަށެވެ. އަދި ރަންވޭ ހެދުމާއި އިމާރާތްތަކުގެ ކޮންކްރީޓް މަސައްކަތްތަކާއި ބިން ހިއްކުމުގެ މަސައްކަތްތައް ރަނގަޅަށް ކުރިއަށްދާ ކަމަށް ވެސް އެ މިނިސްޓްރީން ވަނީ ބުނެފައެވެ.
އެ ގޮތުން ހަނިމާދޫ އެއާޕޯޓުގެ މި މަޝްރޫއުގެ ދަށުން ހަނިމާދޫގައި 2460 މީޓަރުގެ އާ ރަންވޭއަކާއި، 111،000 އަކަފޫޓުގެ ޒަމާނީ ޓާމިނަލެއް ގާއިމުކުރުމަށް ވަނީ ހަމަޖެހިފައެވެ. މީގެ އިތުރުން 624،000 އަކަފޫޓުގެ އޭޕްރަން އަކާއި ބައިނަލްއަގުވާމީ ދަތުރުތައް ފުޅާކުރުމަށް ބޭނުންވާ އެހެނިހެން ވަސީލަތްތައް ވެސް ގާއިމުކުރުމަށް ވަނީ ނިންމާފައެވެ.
މި މަޝްރޫއުގެ ދަށުން ގެސްޓްހައުސްގެ ވިޔާފާރި ހިންގާ މީހުންނަށް ބޮޑެތި ކުރިއެރުން ތަކެއް ލިބިގެން ދާނެއެވެ.
